Dil Bechara 2 News: दिग्दर्शक मुकेश छाबरा दिग्दर्शित सुशांत सिंग राजपूतचा शेवटचा चित्रपट 'दिल बेचारा' चांगलाच गाजला. सुशांत सिंग राजपूतच्या निधनानंतर हा सिनेमा रिलीज झालेला. हा सिनेमा सर्वांनाच भावूक करुन गेला.

आता सुशांतच्या फॅन्ससाठी खास बातमी. सुशांतच्या आगामी दिल बेचारा सिनेमाचा सिक्वेल येणार आहे. याविषयी दिग्दर्शक मुकेश छाबरा यांनी ट्विट केलंय.

'दिल बेचारा 2-' ची घोषणा करताना दिग्दर्शक मुकेश छाबरा यांनी X वर एक पोस्ट शेअर केली आणि फक्त इतकेच लिहिले, 'दिल बेचारा 2.'

मुकेश छाबरा यांच्या पोस्टनंतर सुशांतचे चाहते सतत ट्विट करून चित्रपटाबद्दलच्या त्यांच्या भावना व्यक्त करत आहेत. मुकेश छाबरा यांनी त्यांच्या पोस्टमध्ये चित्रपटाच्या कास्टिंग किंवा कथेबाबत कोणतीही माहिती दिलेली नाही. अशा परिस्थितीत आगामी चित्रपटात सुशांतची जागा कोण घेणार याबाबत काहीही सांगण्यात आलेले नाही.

'दिल बेचारा' जुलै 2020 मध्ये OTT वर रिलीज झाला होता. हा चित्रपट जॉन ग्रीनच्या 'द फॉल्ट इन अवर स्टार्स' या कादंबरीवर आधारित होता. या चित्रपटात सुशांत सिंग राजपूतसोबत संजना सांघी दिसली होती.

2020 मध्ये 14 जून रोजी सुशांत सिंग राजपूतच्या निधनाने सर्वच भावूक झाले. सुशांतच्या या चित्रपटाच्या सिक्वेलची घोषणा होताच त्याचे चाहते पुन्हा एकदा भावूक झाले आहेत.

'दिल बेचारा'च्या नावावर अनेक रेकॉर्ड

'दिल बेचारा' चित्रपटात सुशांतला शेवटच्या वेळी पाहून चाहते खूप भावूक झाले होते. मीडिया रिपोर्ट्सनुसार, हा चित्रपट डिस्ने प्लस हॉटस्टारवर प्रदर्शित होताच OTT क्रॅश झाला. वापरकर्त्यांची संख्या इतकी जास्त होती की प्लॅटफॉर्मवर तांत्रिक बिघाड झाला. याबाबत चित्रपट निर्माते हंसल मेहता यांनी ट्विट केले होते. (Records to Dil Bechara's name)

या चित्रपटाला IMDB वर 10 पैकी 9.8 स्टार मिळाले आहेत. २४ तासांत ९५ दशलक्ष लोकांनी सिनेमा पाहिला. मीडिया रिपोर्ट्सनुसार, या चित्रपटाच्या ट्रेलरने हॉलिवूडचा सर्वात लोकप्रिय चित्रपट अॅव्हेंजर एंडगेमच्या ट्रेलरलाही मागे टाकले होते. यासह त्याने हा विश्वविक्रम केला होता.