Sushant Singh Rajput sister shweta Singh Kirti : बॉलीवूडचा दिवंगत अभिनेता सुशांत सिंग राजपूतच्या आत्महत्या प्रकरणानं बॉलीवूड हादरुन गेलं होतं. त्याच्या निधनानं (Sushant Singh Rajput Death Case) वेगवेगळे प्रश्न उपस्थित झाले होते. दरम्यान या प्रकरणानं वेगळं वळणही घेतले होते. सीबीआयनं (CBI) या प्रकरणाचा तपास करताना अनेक बॉलीवूड सेलिब्रेटींची तपासणी केली होती.

आता सोशल मीडियावर सुशांतची बहीण श्वेतानं पोस्ट केलेला व्हिडिओ सुशांतच्या चाहत्यांचे (Shweta Kirti Sushant Singh Sister) अन् नेटकऱ्यांचे लक्ष वेधून घेताना दिसत आहे. यापूर्वी देखील श्वेतानं वेगवेगळ्या पोस्टमधून सुशांतच्या आत्महत्या प्रकरणात तातडीनं न्याय मिळावा म्हणून तपास यंत्रणांकडे धाव घेतली होती.

प्रसिद्ध अभिनेता सुशांत सिंग राजपूतची बहीण श्वेता राजपूतनं एका व्हिडिओमधून पंतप्रधान (PM Narendra Modi) नरेंद्र मोदी यांच्याकडे मोठी मागणी केली आहे. गेल्या ४५ महिन्यानंतरही अद्याप सुशांत सिंगच्या प्रकरणातून आमच्या कुटुंबियांना कोणता न्याय मिळालेला (Sushant Singh Rajput Latest News) नाही. या सगळ्यात आम्हाला खूप मोठ्या संघर्षाचा सामना करावा लागला आहे. सीबीआयचा तपास आणि न्यायालयीन लढा यातून आम्हाला न्याय मिळावा ही आपल्याला विनंती.

मोदीजी मी तुम्हाला आग्रहाची विनंती करते की, सुशांत सिंगच्या प्रकरणातून कित्येक प्रश्नांची उत्तरं मिळालेली नाहीत. सीबीआयच्या तपासाबाबत तुम्ही मदत केल्यास बरे होईल. तुमच्या मदतीनं आम्हाला खूप दिलासा मिळेल. सुशांतच्या निधनाला ४५ महिने उलटूनही त्याबाबत कोणताही तपास आणि त्यातून न्याय आम्हाला मिळालेला नाही. त्यामुळे मी आपल्याला विनंती करते की, या प्रकरणाची दखल घ्यावी.

पीके, राब्ता, एम धोनी अनटोल्ड स्टोरी, छिछोरे सारख्या चित्रपटातून आपल्या अभिनयाची छाप उमटविणाऱ्या सुशांत सिंगनं १४ जून २०२० रोजी मुंबईतील घरी आत्महत्या केली होती. त्याच्या निधनानं बॉलीवूडसह चाहत्यांना मोठा धक्का बसला होता.