कलाविश्वातील अनेक सेलिब्रिटी त्यांच्या अभिनयासोबतच पर्सनल लाइफमुळेही चर्चेत येत असतात. त्यामुळे अनेकदा चाहत्यांमध्ये सेलिब्रिटींच्या ब्रेकअप, पॅचअपविषयी विविध चर्चा रंगल्याचं पाहायला मिळतं. यामध्येच सध्या अभिनेता हृतिक रोशनची एक्स पत्नी सुझान खानची चर्चा रंगली आहे. १५ वर्षांचा संसार मोडल्यानंतर हृतिक आणि सुझान विभक्त झाले. मात्र, तरीदेखील ही जोडी कायम चाहत्यांच्या चर्चेचा विषय ठरत असते. मध्यंतरी हृतिक आणि कंगना रणौतच्या अफेअरची चर्चा रंगली होती. त्यानंतर आता सुझान खानच्या अफेअरची चर्चा रंगली आहे. सुझान कलाविश्वातील एका लोकप्रिय व्यक्तीला डेट करत असल्याचं म्हटलं जात आहे. अनेकदा सुझानला या व्यक्तीसोबत स्पॉट करण्यात आलं आहे. त्यामुळे सोशल मीडियावर या दोघांच्याही अफेअरची जोरदार चर्चा रंगली आहे. मात्र, याविषयी सुझानने मौन बाळगलं आहे.

सुझान खान आणि हृतिक रोशन या दोघांनी २०१४ मध्ये विभक्त होण्याचा निर्णय घेतला आणि ते कायदेशीररित्या वेगळे झाले. मात्र, विभक्त झाल्यावरदेखील या दोघांमधील मैत्री कायम आहे. अनेकदा ही जोडी त्यांच्या मुलांसोबत एकत्र वेळ घालवताना दिसतात. परंतु, गेल्या काही दिवसांपासून सुझान अभिनेता अली गोनीच्या मोठ्या भावाला डेट करत असल्याचं म्हटलं जात आहे.

'बिग बॉस १४'फेम अभिनेता अली गोनी याच्या मोठ्या भावाला म्हणजेच अर्सलान गोनी याला सुझान डेट करत असल्याचं म्हटलं जात आहे. अनेकदा या दोघांना एकत्र पाहण्यात आलं आहे. मात्र, याविषयी सुझानने मौन बाळगलं आहे.

दरम्यान, सुझान आणि हृतिक यांनी २०१३ मध्ये लग्नगाठ बांधली होती. मात्र, काही वैयक्तिक कारणामुळे त्यांनी विभक्त होण्याचा निर्णय घेतला. त्यानुसार परस्पर संमतीने हे दोघं २०१४ मध्ये कायदेशीररित्या वेगळे झाले.