Swapnil Joshi: "नाच गं घुमा" (Naach Ga Ghuma) या सिनेमाच्या दमदार घोषणेनंतर महाराष्ट्राचा लाडका अभिनेता स्वप्नील जोशी (Swapnil Joshi) अजून एका नव्या कोऱ्या चित्रपटात दिसणार आहे. "बाई गं" असं या नव्या चित्रपटाच नाव असून येत्या 14 जून 2024 रोजी हा चित्रपट चित्रपटगृहात प्रेक्षकांच्या भेटीला येणार आहे.

2024 वर्ष स्वप्नीलसाठी खास ठरणार आहे. स्वप्नील अभिनेता म्हणून "बाई गं " या सिनेमामध्ये दिसणार आहे. निर्मिती , अभिनय आणि अजून बऱ्याच विविधांगी रूपातून स्वप्नील येणाऱ्या वर्षात प्रेक्षकांचं मनोरंजन करण्यासाठी सज्ज होत आहे.

कधी रिलीज होणार "बाई गं "?

14 जून 2024 रोजी "बाई गं " सिनेमा रिलीज होणार असून स्वप्नीलसोबत या चित्रपटात अजून कोण कोण दिसणार हे बघण उत्कंठावर्धक असणार आहे. 2024 वर्षात स्वप्नील स्त्री सक्षमीकरण असलेल्या चित्रपटाच्या सोबतीने अजून काय वेगळं करणार याची उस्तुकता आता सगळ्यांना आहेच.

सिनेमाबद्दल काय म्हणाला स्वप्नील?

"बाई गं" या चित्रपटाबद्दल बोलताना स्वप्नील म्हणाला, "नाच गं घुमा नंतर लगेच बाई गं सारखा चित्रपट करण माझ्यासाठी खूप आनंदाची गोष्ट आहे. लवकरच या चित्रपटात मी काय करतोय हे सगळ्यांना सांगण्यासाठी मी खूप उत्सुक आहे. 2024 मध्ये खूप काम करतोय आणि तुमचं न थांबता मनोरंजन करता येतंय या सारखं वेगळं सुख काय असणार ना ! निर्मिती सोबतीने अभिनय करत राहून 2024 वर्षात खूप प्रोजेक्ट्स मधून काम करणार आहे आणि बाई गं नक्कीच काहीतरी खास असणार आहे हे नक्की म्हणून प्रेक्षकांना थोडी वाट बघावी लागणार आहे पण लवकरच या चित्रपटा बद्दल अनेक गोष्टी शेयर करण्यासाठी मे देखील उत्सुक आहे "

चित्रपटाच्या पोस्टर वरून हा चित्रपट नक्कीच आगळावेगळा असणार आहे याची खात्री आहे पण चित्रपटात स्वप्नील सोबत कोण दिसणार हे बघण उत्सुकतेच ठरणार आहे.