अभिनेत्री स्वरा भास्कर(Swara Bhaskar) सध्या लॉस एंजेलिसमध्ये आहे. पण पांढरपेश्या अमेरिकेत तिला खूप वाईट अनुभव आल्याचं तिचं ट्वीट सध्या व्हायरल होत आहे. तिला चक्क अमेरिकेत दिवसाढवळ्या चोरीचा अनुभव आला आहे. नेहमीच्या उपयोगी वस्तूंच्या ग्रोसरी शॉपिंगसाठी स्वरा गेली होती. तिथून बाहेर पडताना तिनं सामान खूप झाल्यानं कार बूक केली होती. आणि त्या कारच्या ड्रायव्हरनेच तिचा घात केला. (Swara Bhaskar Latest Tweet to Uber)

स्वरानं तिच्यासोबत घडलेला तो प्रसंग ट्वीटच्या माध्यमातून सांगितला आहे. तिनं लिहिलंय,''तिनं हे ट्वीट खास Uber Cab ची सेवा देणाऱ्या कंपनीसाठी लिहिलं आहे. तिनं स्पष्ट लिहिलंय, उबेर कंपनीनं कृपया माझी ही तक्रार नोंदवून घ्या. तुमचा एक ड्रायव्हर माझं सर्व सामान घेऊन फरार झाला आहे. तुमच्या अॅपवर तक्रार करण्यासाठी कुठलीच सोय नाही आहे. हे काही मी चुकून विसरले वगैरे नाही. तर तो चक्क माझं सामान घेऊन पळाला आहे''. या स्वराच्या ट्वीटला कंपनीकडनं उत्तर आलंय,जे बहुधा आधीच रेकॉर्डेड मेसज असावा. त्यात म्हटलंय,''तुमच्यासोबत जे घडलं यासाठी आम्ही दिलगीर आहोत. पण निश्चितच आमच्या कंपनीच्या इतिहासात असं घडलेलं नाही. आम्ही तुमची तक्रार नोंदवून घेत आहोत,आणि लवकरच आमच्याकडून ह्या तक्रारीची चौकशी होईल आणि तुम्हाला संपूर्ण सहकार्य करण्याचा प्रयत्न केला जाईल''.

कुटुंबासोबत होळी साजरी केल्यानंतर स्वरा अमेरिकेला गेली आहे. तिनं आपल्या ट्रॅव्हल एक्सपीरियन्सचे अनेक फोटो शेअर केले आहेत. स्वराची 'शीर कूर्मा' शॉर्ट फिल्म लवकरच रीलीज होणार आहे. यात शबाना आझमी आणि दिव्या दत्ता आहेत. फराझ अरिफ अन्सारी यांनी या शॉर्ट फिल्मचं दिग्दर्शन केलं आहे. ही एक लव्ह स्टोरी आहे. अनेक फिल्म फेस्टिव्हल मधून या शॉर्ट फिल्मला भरपूर पसंती मिळाली आहे. 'जहॉं चार यार' सिनेमाचं शूटिंगही स्वरानं पू्र्ण केलंय. मेहेर वीज,शिखा तल्सानिया,पूजा चोप्रा स्वरासोबत या सिनेमात दिसणार आहेत. कमाल पांडेनं या सिनेमाचं दिग्दर्शन केलं आहे. चार लग्न झालेल्या मैत्रिणींची ही स्टोरी आहे. गोवा ट्रीपच्या अॅडव्हेंचरस एक्सपीरियन्सवर हा सिनेमा बेतलेला आहे.