आपल्या सहज अभिनयाने तापसी पन्नूने(Tapsee Pannu)बॉलीवूडमध्ये खूप कमी कालावधीत आपलं भक्कम स्थान निर्माण केलं आहे. तापसीचा लवकरच ताहिर राज भसीनसोबत 'लूप लपेटा' हा सिनेमा आपल्या भेटीस येणार आहे. ४ फेब्रुवारीला हा सिनेमा नेटफ्लिक्सवर रीलीज होणार असल्याचं बोललं जातंय. हा एक क़ॉमेडी थ्रीलरपट आहे. या सिनेमाचं दिग्दर्शन आकाश भाटियाने केले आहे. हा सिनेमा जर्मन फिल्ममेकर टॉम टाइक्वेरच्या १९९८ च्या 'रन लोला रन' चा हिंदी रीमेक असल्याचं बोललं जातंय. या सिनेमाची कथा खूपच इंट्रेस्टिंग आहे. ज्यात एक प्रेमिका आपल्या प्रेमीला वाचवण्यासाठी जाते आणि या दरम्यान तिला कोणकोणत्या अडचणींचा सामन करावा लागतो त्याचं एकंदरीत चित्रण या सिनेमाच्या कथानकाच्या माध्यमातून करण्यात आलं आहे.

नुकतंच 'लूप लपेटा' सिनेमाची संपूर्ण टीम 'कपिल शर्मा शो' मध्ये प्रमोशनसाठी आली होती. कपिल ज्या पद्धतीनं आपल्या विनोदी शैलीत एखादी कोपरखळी मारून आलेल्या गेस्टला क्लीन बोल्ड करतो ते पहाण्यासारखे असते. 'लूप लपेटा' या सिनेमात तापसी आणि ताहिरचा एक किसिंग सीन आहे. त्यावरून कपिलनं ताहिर आणि तापसीला प्रश्न केला की,''तुम्ही RT-PCR Test केली होती का? की किसिंग आधी व नंतर तुमचे ओठ सॅनीटाईज केले होते?'' आता या कपिलच्या प्रश्नावर तापसी अन् ताहिरला काय बोलावे ते दोन मिनिट सुचेना पण ताहिरनंही आपल्या पद्धतीनं पलटवार केला. या शो मध्ये तापसीनं एक गोष्ट मात्र महत्त्वाची सांगितली की,''मी जेवढा वेळ प्रमोशनसाठी देते तेवढ्या वेळात मी पाच सिनेमांचं शूट पूर्ण करेन''. कपिलच्या शो मध्ये किसिंग सीन वरून केला गेलेला विनोद सध्या व्हिडीओच्या माध्यमातून जोरदार व्हायरल झाला आहे. तो व्हिडीओ आम्ही इथे बातमीत जोडलेला आहे.