गेली अनेक वर्षे प्रेक्षकांचे मनोरंजन करणारी मालिका म्हणजे 'तारक मेहता का उल्टा चष्मा' Taarak Mehta Ka Ooltah Chashmah. या मालिकेमधील प्रत्येक भूमिकेला प्रेक्षकांची पसंती मिळाली. काही दिवसांपूर्वी शोमधील टप्पूची भूमिका साकारणारा अभिनेता राज अनाडकत Raj Anadkat आणि जेठालालची भूमिका साकारणारे दिलीप जोशी Dilip Joshi यांच्यामध्ये वाद आहेत अशी चर्चा सुरू होती. मालिकेच्या शूटिंगसाठी राज सेटवर उशिरा येत होता. त्याचप्रमाणे दिलेले संवाद नीट तो नीट पाठ करत नव्हता, त्यामुळे शूटिंग उशिरा होऊ लागलं. या सर्वांचा त्रास दिलीप जोशींना होऊ लागला, अशी चर्चा होती. या सर्व वादावर आता दिलीप जोशी यांनी प्रतिक्रिया दिली आहे. (taarak mehta ka ooltah chashmah actor dilip joshi responds to tiff with raj anadkat)

नुकत्याच दिलेल्या एका मुलाखतीत दिलीप यांनी या सर्व चर्चा खोट्या असल्याचं स्पष्ट केलं. 'हे सर्व खोटं आहे. कोण या अफवा पसरवत आहे', असं ते म्हणाले.

या मालिकेबद्दल अनेक गोष्टींची चर्चा सध्या सोशल मीडियावर होत आहे. प्रेक्षक या मालिकेच्या बदललेल्या कलाकारांवर आणि गुणवत्तेवरदेखील कमेंट्स करत आहेत. या विषयी बोलताना दिलीप यांनी सांगितले, 'जेव्हा प्रमाण पाहिले जाते तेव्हा गुणवत्तेकडे दुर्लक्ष होते.आधी ही मालिका एक आठवड्याचीच होती. तेव्हा मालिकेच्या लेखकांकडे खूप वेळ होता. तेव्हा ते चार एपिसोड लिहायचे मग बाकीचे चार एपिसोड पुढच्या महिन्यामध्ये शूट करायचे. आता लेखकावर रोज नवीन एपिसोडसाठी काम करण्याचा दबाव असतो. त्यामुळे प्रत्येक दिवशी त्यांना नवीन विषय शोधावा लागतो.'