तारक मेहता का उल्टा चष्मा (Taarak Mehta ka Ooltah Chashmah) मधील बबिता जी (Babita Ji) अर्थात मुनमुन दत्ता (Munmun Dutta) ही तिच्या अभिनयाने तर प्रसिध्द आहेच शिवाय सोशल मीडिवरही ती नेहमीच हटके व्हिडिओ शेअर करून चाहत्यांच्या पसंदीस ती उतरते. याआधी गंगूबाई काठियावाडी चित्रपटातील ढोलिडा गाण्यावर डान्स करतानाचा व्हिडिओ मुनमुनने शेअर केला होता. त्यानंतर आता तिने बेली गाण्यावरील डान्सचा व्हिडिओ शेअर केला आहे. या डान्सवर चाहत्यांनी कमेंटचा पाऊस पाडला आहे.

मुनमुनचा अरबी गाण्यावर डान्स केलेला व्हिडीओ चाहत्यांनी खूपच आवडला आहे. ती नेहमीच मनोरंजन करते. मुनमुनने या गाण्यावर जबरदस्त डान्स केला आहेच शिवाय डान्स स्टेप्स ही खुपच सुंदर आहेत. तिचे हावभावही पाहण्यासारखे आहेत. यामुळे तिचा हा व्हिडिओ शेअर केलेल्या काही वेळातच सोशल मीडियावर धुमाकूळ घातला आहे. काही चाहत्यांनी तिला दाद दिली आहे,तर काहींनी याला गदर म्हटले आहे. काहींनी तिच्या घराची स्तुति केली आहे.

मुनमुन दत्ता गेल्या १३ वर्षांपासून तारक मेहता का उल्टा चष्मामध्ये काम करत आहे. याआधी तिने अनेक शोमध्ये काम केले आहे. मात्र तिची खरी ओळख या लोकप्रिय कॉमेडी शोमुळेच मिळाली. अनेकवेळा तिने शो सोडल्याचे व्हायरल झाले होते. पण बबिता जीचे हे पात्र आजही लोकांना आवडते आणि कदाचित त्यामुळेच ती या शोमध्ये काम करताना दिसत आहे.