Asit Modi: 'तारक मेहता का उल्टा चष्मा' हा टिव्ही मनोरंजन विश्वातील सर्वात लोकप्रिय शो आहे. सगळ्याच वर्गात या शोचे चाहते आहेत. मात्र गेल्या काही दिवसांपासून हा शो अनेक वेगवेगळ्या वादांमुळे चर्चेत आहे. आता पुन्हा एकदा शोचे निर्माते असित मोदी अडचणीत सापडला आहे.

जेनिफर मिस्त्री बन्सीवालने शोच्या निर्माते असित मोदी यांच्यावर लैंगिक शोषणाचा आरोप केला आहे.जेनिफरने प्रोजेक्ट मॅनेजर, एक्झिक्युटिव्ह प्रोड्युसर आणि मेकर्सवर लैंगिक छळाचा आरोप करत पोलिसांकडे लेखी तक्रार दाखल केली आहे.

जेनिफर मिस्त्रीने असित मोदींविरोधात लैंगिक छळाचा आरोप करत लेखी तक्रार दाखल केली आहे. अद्याप एफआयआर नोंदवण्यात आलेला नाही. पोलीस या प्रकरणाचा तपास करत असून, लवकरच या प्रकरणाशी संबंधित लोकांचे जबाब नोंदवले जातील.

असित मोदींशिवाय जेनिफर मिस्त्रीने सोहेल रमाणी आणि जतीन यांच्यावरही गैरवर्तनाचे आरोप केले आहेत. अभिनेत्रीने याप्रकरणी डीसीपी झोन ​​10 यांच्याकडे लेखी तक्रारही केली आहे. पोलिस या संपूर्ण प्रकरणाचा तपास करत असून जबाब नोंदवले जात आहेत.

तर दुसरीकडे असित मोदी आणि त्यांच्या टिमने हे सगळे आरोप फेटाळुन लावले आहेत. याप्रकरणी कायदेशीर कारवाई केली जाईल, असं असित मोदी यांच्या टीमचं म्हणणे आहे. तारक मेहताच्या निर्मात्यांनी तिच्या वागण्यावर आणि काम करण्याच्या पद्धतीवर प्रश्न उपस्थित केले आहेत. आता पोलीस या संपूर्ण प्रकरणाचा तपास करत आहेत.