कोरोनाचे संकट लवकरात लवकर दूर कर; शिल्पा शेट्टीची बाप्पाचरणी प्रार्थना
मुंबई ः आता आपल्यावर कोरोना महामारीचे जे संकट आले आहे ते लवकरात लवकर दूर व्हावे. सगळ्यांचे आरोग्य उत्तम राहावे आणि सगळ्यांना चांगली बुद्धी द्यावी, अशी प्रार्थना मी गणपती बाप्पाला करणार आहे, असे उद्गार अभिनेत्री शिल्पा शेट्टीने काढले.
शिल्पा शेट्टी जुहू येथे राहते आणि तिच्या घरी दरवर्षी दीड दिवस बाप्पांचा मुक्काम असतो. यंदाचे हे अकरावे वर्ष आहे. दरवर्षी ती लालबागचा राजाचे मूर्तिकार संतोष कांबळी यांच्याकडून मूर्ती घेऊन जाते. दरवर्षी ती गणेश चतुर्थीच्या आदल्या दिवशी येते आणि गणेशमूर्ती घेऊन जाते. परंतु आज ती दोन दिवस आधीच आली आणि गणरायाची मूर्ती घेऊन गेली. या वेळी ती म्हणाली, की यावर्षी गणेशोत्सव मी साध्या पद्धतीने साजरा करणार असले तरी माझ्यातील भक्ती किंवा भावना तीच आहे. मोठ्या श्रद्धेने आणि भक्तिभावाने आम्ही गणेशाची सेवा करतो.
सध्या आपल्यावर संकट आहे कोरोनाचे. बाप्पा आता ते लवकरच दूर करील. मी बाप्पाकडे प्रार्थना करते. यावर्षी मी धामधुमीत नाही तर साध्या पद्धतीने गणेशोत्सव साजरा करणार आहे. सगळ्यांना माझे हेच आवाहन आहे की यावर्षी साध्या पद्धतीने गणेशोत्सव साजरा करा व आपले आरोग्य उत्तम ठेवा, असेही शिल्पा म्हणाली. मूर्तिकार संतोष कांबळी म्हणाला, की दरवर्षी शिल्पा शेट्टी माझ्याकडून दोन फुटांची मूर्ती नेते. यावर्षीही दोन फुटांचीच मूर्ती आहे. गणेश चतुर्थीच्या अगोदर दोनेक महिने ती आम्हाला ऑर्डर देते. आज ती सकाळी आली आणि सोशल डिस्टंन्सिंग पाळून मूर्ती नेली आहे.
--------------------------------------------------------
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.