हिंदी चित्रपटसृष्टीसोबतच हॉलिवूडमध्येही आपली वेगळी ओळख निर्माण करणारी प्रसिध्द अभिनेत्री प्रियांका चोप्रा नेहमाच सोशल मीडियावर सक्रिय असते. तिचा पती निक जोनाससोबतचे व्हिडीओ आणि फोटो ती सोशल मीडियावर शेअर करत असते. नुकताच प्रियांकाच्या 'सोना' या न्यूयॉर्कमधील नव्या रेस्टॉरंटचा व्हिडीओ सोशल मिडीयावर व्हायरल होत आहे. हा व्हिडीओ रेस्टॉरंटच्या अधिकृत अकांउटवर शेअर केला आहे. या व्हिडीओमध्ये डायनिंग एरिया, बार आणि खासगी जागेची झलक दाखवण्यात आली आहे. प्रशस्त आणि प्रसन्न अशा या प्रियांकाच्या 'सोना' रेस्टॉरंटने नेटकऱ्यांचे लक्ष वेधले आहे. 

काही दिवसांपूर्वी प्रियांकाने न्युयॉर्कमध्ये नवे रेस्टॉरंट सुरू करणार आहे हे सोशल मीडियावर पोस्ट शेअर करून सांगितले होते.  रेस्टॉरंटचा फोटो शेअर करून प्रियांकाने फोटोला कॅप्शन दिले की,' सोना हे नवीन रेस्टॉरंट सुरू होणार आहे. त्यामुळे मी खूप आनंदी आहे. न्यूयॉर्कमधील या नवीन रेस्टॉरंटमध्ये भारतीय पद्धतीचे जेवण मिळणार आहे. यामध्ये हरीनेयक या शेफने नाविन्यपूर्ण मेनू तयार केले आहेत. सोना या महिन्याच्या शेवटी ग्राहकांसाठी उघडत आहे आणि मी तेथे तुम्हाला भेटण्याची प्रतीक्षा  करत आहे. माझा मित्र मनीष गोयल आणि डेव्हिड रॉबिन यांच्या नेतृत्त्वाशिवाय हा प्रयत्न करता आला नसता. डिझाइनर मेलिसा बॉवर्स आणि उर्वरित टीमचे आभार'.

हेही वाचा : प्रदुषणामुळे पुरुषांच्या प्रायव्हेट पार्टवर परिणाम; दिया मिर्झा म्हणते, "आता तरी.. "

या पोस्टमधील दुसरे आणि तिसरे फोटो सप्टेंबर 2019मधे रेस्टॉरंटसाठी ठेवण्यात आलेल्या पूजेचा आहे असे प्रियांकाने सांगितले. प्रियांकाचे परदेशात बरेच चाहते आहेत. तिच्या रेस्टॉरंटमधील भारतीय पद्धतीचे खाद्यपदार्थ खाण्यासाठी तिचे चाहते उत्सुक आहेत. प्रियांकाने शेअर केलेल्या रेस्टॉरंच्या फोटोला तिच्या चाहत्यांनी कमेंन्ट करून शुभेच्छा दिल्या होत्या.