Oscar 2023: चित्रपट क्षेत्रातील जगभरात सर्वात मानाचा पुरस्कार समजला जाणारा ऑस्कर सोहळा आज लॉस एंजेलिमधील 'डॉल्बी' थिएटरमध्ये पार पडतो आहे. अवघ्या काही मिनिटात या सोहळ्याला सुरुवात होईल.

अत्यंत दिमाखदार असा हा सोहळा असणार आहे. यंदाचा हा 95 वा ऑस्कर सोहळा असून भारतीयांसाठी तो प्रचंड महत्वाचा आहे. कारण भारताच्या 'RRR' चित्रपटातील 'नाटू नाटू' गाण्याला संगीत विभागातून नॉमिनेशन आहे.

हा पुरस्कार भारताकडेच यावा यासाठी तमाम भारतीय प्रार्थना करत आहेत. ह्या सोहळ्यात अभिनेत्री दीपिका पदूकोण देखील हजेरी लावणार आहे. त्यामुळे परदेशी होणाऱ्या या सोहळ्यात भारतीय आपली काय जादू दाखवतायत हे लवकरच कळेल.

मात्र या दिमाखदार सोहळ्याचे तयारीही तितकीच दणक्यात करण्यात आली आहे. 'डॉल्बी' थिएटर कडे जाणाऱ्या पायऱ्यांच्या बाजूने रेड वाईन रंगाचे पडदे लावण्यात आले आहे. तसेच संबंध सभागृह रेड कारपेट घालून सजवण्यात आले आहे.

आकर्षक रोषणाई आणि त्यात उठून दिसणारे जगभरातील कलाकार यामुळे या सोहळ्याला एक वेगळाच रंग आला आहे. आता अवघ्या काही मिनिटात तो क्षण येईल, ज्याची सारेच जन आवर्जून वाट पाहत आहेत.