'द केरळ स्टोरी' अदा शर्माच्या या चित्रपटानं तिला वेगळीच ओळख निर्माण करुन दिली आहे. आधीच्या चित्रपटानं तिला जितकी ओळख मिळवुन दिली नाही तितकी प्रसिद्धी तिला केवळ द केरळ स्टोरीनं दिली.

आता या चित्रपटावरुन वाद तर सुरुच आहे मात्र वादासोबत चित्रपटाची कमाई देखील तितकीच जोराने सुरु आहे. चित्रपटाला रिलिज होऊन दहा दिवस झाले असले तरी हा चित्रपट अजूनही बॉक्स ऑफिसवर रेकॉर्ड तयार करत आहे.

राजकिय पक्षाच्या आक्षेप अन् चित्रपटाला बंदी घालण्याची मागणी, काहींचा पाठिंबा तर काहींचा कट्टर विरोध अशातही द केरळ स्टोरीची कमाई सुरुच आहे. पहिल्या दिवसापासून चित्रपटाला प्रेक्षकांचे भरभरून प्रेम मिळत आहे.

पहिल्या वीकेंडमध्ये धमाकेदार कमाई केल्यानंतर 'द केरळ स्टोरी'ने दुसऱ्या वीकेंडलाही बॉक्स ऑफिसवर चांगली कमाई केली आहे. दुसऱ्या रविवारी चित्रपटानं किती कलेक्शन केलं हे पाहुया.

sacnilkच्‍या रिपोर्टच्‍या आकड्यांनुसार, 'द केरळ स्टोरी'च्‍या कमाईत दुस-या रविवारी म्हणजेच 10व्‍या दिवशी 23 कोटींच्या आसपास कमाई झाली. यासह, 'द केरळ स्टोरी'ची एकूण कमाई आता 135.99 कोटी रुपयांवर गेली आहे.

तर दुसरीकडे शाहरुखचा सुपरहिट चित्रपट पठाण ज्याने बॉक्स ऑफिसवर 1000कोटींची कमाई केली आहे. या चित्रपटाचा रेकॉर्डही द केरळ स्टोरीनं मोडला आहे. sacnilk नुसार, शाहरुख खानच्या 'पठाण'ने 10 व्या दिवशी देशभरातील सर्व भाषांमध्ये केवळ 14 कोटींची कमाई केली आहे, तर 'द केरळ स्टोरी'ने 10 व्या दिवशी यापेक्षा 9 कोटी जास्त कमाई केली आहेत.

सुदीप्तो सेन यांनी निर्मीत आणि दिग्दर्शित केलेली द केरळ स्टोरी या चित्रपटाची कथा 3 गैर-मुस्लिम महिलांभोवती फिरते ज्यांचे ब्रेनवॉश करून ISIS या दहशतवादी संघटनेत सहभागी होण्यास भाग पाडलं जातं. चित्रपटात अदा शर्मा व्यतिरिक्त योगिता बिहानी, सिद्धी इदनानी आणि सोनिया बालानी यांच्या महत्त्वपूर्ण भूमिका आहेत.