The Vaccine War and Fukrey 3 : 'फुक्रे 3' आणि 'द व्हॅक्सिन वॉर' हे बॉलिवूडमधील चर्चेत राहिलेले चित्रपट होते. या दोन्ही चित्रपटांचा विषय जरी वेगळा असला तरी दोन्ही सिनेमांनी एकाच दिवशी बॉक्स ऑफिसवर एंट्री मारली होती.

'फुक्रे 3' आणि 'द व्हॅक्सिन वॉर' हे दोन्ही चित्रपट 28 सप्टेंबर रोजी बॉक्स ऑफिसवर क्लॅश झाले होते. मात्र या युद्धात कमाईच्या बाबतीत 'फुक्रे 3' ने बाजी मारली होती. आता हे सिनेमे ओटीटीवर रिलिज होणार आहेत.

'द व्हॅक्सिन वॉर'

या चित्रपटात विवेक अग्निहोत्री यांनी स्वदेशी कोरोना लस बनवण्यासाठी भारतीय शास्त्रज्ञांची धडपड दाखवली आहे. मात्र, हा चित्रपट बॉक्स ऑफिसवर फारशी कमाई करू शकला नाही. आता 'द व्हॅक्सिन वॉर' OTT रिलीजसाठी सज्ज आहे.

24 नोव्हेंबरपासून डिस्ने+ हॉटस्टारवर हा सिनेमा प्रीमियर होईल. याबाबत विवेक अग्नीहोत्री यांनी त्यांच्या अधिकृत X हँडलवर माहिती दिली आहे.

या कॅप्शनमध्ये त्यांनी लिहिले, 'अशा जगात पाऊल टाका जिथे धैर्याने संकटाचा सामना करावा लागतो. 24 नोव्हेंबरपासून 'द व्हॅक्सिन वॉर' फक्त डिस्ने+ हॉटस्टारवर पहा.

या चित्रपटातील कलाकारांबद्दल बोलायचं झालं तर यात अनुपम खेर, नाना पाटेकर, पल्लवी जोशी, रायमा सेन आणि सप्तमी गौडा यांनी महत्वाच्या भुमिका साकारल्या होत्या. 10 कोटी बजेटमध्ये तयार करण्यात आलेल्या या चित्रपटाने 6 कोटींहून अधिकचा गल्ला जमवला होता.

'फुक्रे 3'

बॉलीवूडमधील सर्वात लोकप्रिय कॉमेडी फ्रँचायझी 'फुक्रे 3' ने थिएटरमध्ये चांगलाच धुमाकूळ घातला होता. त्यानंतर आता हा सिनेमा देखील OTT प्लॅटफॉर्म आपली कमाल दाखवण्यासाठी सज्ज झाला आहे.

Amazon Prime Video वर हा चित्रपट आता प्रेक्षकांना पाहता येणार आहे. यापूर्वी या चित्रपटाला पाहण्यासाठी पैसे मोजावे लागत होते.

'फुक्रे 3' ने बॉक्स ऑफिसवर 96.30 कोटी रुपयांची बक्कळ कमाई केली. या चित्रपटात वरुण शर्मा, रिचा चढ्ढा, मनजोत सिंग, पुलकित सम्राट आणि पंकज त्रिपाठी सारखे कलाकार दिसले.

'फुक्रे' नेटफ्लिक्सवर दिसत असला तरी तुम्ही अॅमेझॉन प्राइम व्हिडिओवर 'फुक्रे 3' पाहू शकता. त्यांचे चित्रपटांचे दिग्दर्शन मृगदीप सिंग लांबा यांनी केले आहे. तर चित्रपटाची कथा विपुल विग यांनी लिहिली आहे.

आता प्रेक्षक घर बसल्या या दोन्ही चित्रपटांचा आस्वाद घेऊ शकणार आहेत.