Tiger 3 Katrina Kaif: अनेक दिवसांपासून टायगर 3 सिनेमाची सर्वांना उत्सुकता आहे. काहीच दिवसांपूर्वी टायगर 3 मधील टायगर का मॅसेज हा खास व्हिडीओ पुढे आला. त्यानंतर सर्वांना उत्सुकता होती ती म्हणजे टायगर 3 मधल्या कतरिना कैफची.

आता प्रतीक्षा संपली आहे. कारण टायगर 3 मधील कतरिनाचा पहिला लूक समोर आलाय. जबरदस्त अ‍ॅक्शन अवतारात कतरिना पाहायला मिळतेय.

कतरिनाचा झोयाच्या भूमिकेत पुन्हा येतेय

बॉलिवूड सुपरस्टार कतरिना कैफ ही YRF Spy Universe ची पहिली महिला गुप्तहेर आहे. कतरिना टायगर फ्रँचायझीमध्ये झोयाची भूमिका करते. याशिवाय ती लढाई किंवा रणनीतीमध्ये टायगर उर्फ सलमान खानला मदत करते.

एक था टायगर किंवा टायगर जिंदा है सिनेमात कतरिनाने साकारलेल्या झोयाच्या भूमिकेला प्रेम मिळाले आहे. त्यामुळे टायगर 3 मधील कतरिनच्या लूकचा पोस्टर पाहून याही सिनेमात कतरिना अ‍ॅक्शन करताना दिसणार यात शंका नाही.