मुंबई - जेव्हा टायगर (tiger shroff) हा अरबाज खानच्या (arbaaz khan) पिंच (pintch) नावाच्या शो मध्ये गेला तेव्हापासून तो चर्चेत आला आहे. त्यानं त्या शो मध्ये वेगवेगळ्या प्रकारचे खुलासे केले. काही धक्कादायक माहितीही दिली. त्यामुळे चाहत्यांचे मनोरंजन तर झालेच पण त्यांना त्या मुलाखतीतून नवीन माहितीही मिळाल्याचे दिसून आले आहे. टायगरच्या आगामी प्रोजेक्टविषयी सांगायचं झाल्यास त्याच्याकडे मोठ्या बॅनरचे चित्रपट आहे. तो त्याच्या चित्रिकरणात व्यस्त आहे. मात्र त्याबरोबरच अरबाजच्या त्या शो नं टायगरला चर्चेत ठेवले आहे.

आपण एका मिश्र कुटूंबातून आलो आहोत अशा प्रकारचं वक्तव्य टायरगनं केलं आहे. त्यामुळे त्याच्या चाहत्यांना नवल वाटलं आहे. टायगर हा बॉलीवूडचा प्रसिद्ध अभिनेता जॅकी श्रॉफ आणि मॉडेल आयशा श्रॉफ यांचा मुलगा आहे. पिंच या शो मध्ये टायगरनं आपल्या इंटरेस्टिंग जेनेटीक तडक्याविषयी सांगितलं आहे. अरबाजनं त्याला ती गोष्ट सविस्तरपणे चाहत्यांना सांगण्यास सांगितली. त्या अगोदर अरबाज त्याला म्हणाला, तुझ्यात आई, वडील यांच्याकडून आलेले जीन्स वेगळे आहेत. हे सगळं एक प्रकारचं कॉकटेल आहे. त्यावर टायगरनं दिलेली प्रतिक्रिया सध्या सर्वांच्या चर्चेचा विषय आहे.

टायगर म्हणाला, माझ्या वडिलांचे वडिल हे गुजराती होते. वडिलांची आई ही तुर्कमिनिस्तानी होती थोडक्यात मंगोलियन - चायनीज. ती मुस्लिम होती. आईची आई ही फ्रेंच आहे. आणि आईचे वडिल हे बंगाली आहेत. त्यामुळे मी अनेक गोष्टींचं कॉकटेल आहे. हे सांगताना टायगरला नवल वाटत होते. आपल्या परिवारात एवढ्या वेगवेगळ्या प्रकारे भौगोलिक संबंध जोडले गेले आहेत. नाही म्हटलं तरी त्याचा तुमच्या व्यक्तिमत्वावर परिणाम होतो. असेही त्याचे म्हणणे होते.

त्यामुळे आता मलाच माझ्याविषयी फारशी माहीती नाही. 2015 मध्ये जॅकी श्रॉफ यांनी पीटीआयला मुलाखत दिली होती. त्यात त्यांनी सांगितलं होतं की, मला माझ्या आईवर एक माहितीपट तयार करायचा आहे. मी आईकडून खूप काही गोष्टी ऐकल्या आहेत. त्याचे जतन करण्यासाठी माझ्या डोक्यात माहितीपटाची कल्पना होती.