टायटॅनिक चित्रपटाच्या अनेक आठवणी भारतातील तरूण वर्गाकडे आहेत. कारण, हॉलिवूडचे चित्रपट डब करून आपल्याकडे दाखवले जातात. त्यामूळे सध्या ३५ शीत असलेल्या अनेकांना टायटॅनिक हा चित्रपट तोंडपाठ झाला असेल.

या चित्रपटाला आजच्याच दिवशी एक दोन नव्हे तर तब्बल ११ ऑस्कर पुरस्कार मिळाले होते. एखादा चित्रपट बॉक्स ऑफिसवर गाजला त्याला अनेक पुरस्कार मिळाले की कलाकारांपेक्षा अधिक कौतूक त्याच्या दिग्दर्शकाचं होतं. कारण, त्याने तो चित्रपट जन्माला घातलेला असतो.

टायटॅनिकचे इतके कौतूक होण्यामागेही दिग्दर्शक जेम्स कॅमरून यांचाच हात आहे. कारण, या चित्रपटासाठी जेम्स कॅमरून यांची आत्महत्या करण्याचीही धमकी दिली होती. नक्की काय प्रकार होता हे पाहुयात.

या 15 एप्रिल 1912 साली ‘टायटॅनिक’ जहाज नॉर्थ अॅटलांटिक ओशनमध्ये एका हिमनगाला धडकून बुडाले होते. त्यावर सिनेमा तयार करताना अनेक विक्रम झाले होते. या चित्रपटाने कमाईचेही सर्व विक्रम तोडले होते. दिग्दर्शक जेम्स कॅमेरून यांच्या सांगण्यावरून खऱ्या बुडालेल्या जहाजाचा शोध घेऊन त्यात डायव्हिंग करून डिझाईन तयार केले गेले.

जहाज बुडताना दाखविण्यासाठीच्या एका सिनमध्ये 1 करोड़ लिटर पाण्याचा वापर केला होता. 3 तास 10 मिनिटांच्या या चित्रपटाला 200 मिलियन डॉलर म्हणजे 1250 कोटी रुपये खर्च आला होता.

या चित्रपटाची नायिका रोझ ( केट विंसलेट ) हीला जीवदान देण्यासाठी नायक जेम्स ( लिओनार्डा डिकाप्रिओ ) याला मरताना का दाखविले होते. नायक वाचायला हवा होता, यावर जेम्स म्हणाले होते की, आम्ही पाण्यावर तरंगणाऱ्या लाकडी दरवाजाची चाचणी केली होती. तो दरवाजा दोघांचे वजन पेलण्यास सक्षम नव्हता त्यामूळेच एकाला वाचवणे गरजेचे होते. तेव्हा रोझला जीवनदान मिळाले असे दाखवण्यात आले.

हा चित्रपट दोन तासांचा असावा तरच जास्त चालेल, असे असे निर्मात्यांचे म्हणणे होते. पण, जेम्स यांना तो तीन तासांचा असावा असे वाटत होते. त्यावर वाज झाल्याने जर या चित्रपटाचा वेळ मी म्हणेल तितका नसेल तर मी आत्महत्या करेन, अशी धमकीच जेम्स यांनी निर्मात्यांना दिली होती.  

जेम्स सारख्या धडाडीच्या दिग्दर्शकामूळेच टायटॅनिक सारखा इतिहास घडवणारा चित्रपट तयार झाला. आणि त्याने अनेक विक्रम नावावर केले.