Trupti Desai on Gautami Patil News: लावणी डान्सर गौतमी पाटीलची महाराष्ट्रात प्रचंड हवा आहे. गौतमीची लावणी आणि राडा हे समीकरण ठरलेलं. गौतमी पाटीलच्या लावणी डान्सचे व्हिडिओ सोशल मीडियावर व्हायरल होत असतात. एका व्हिडिओत गौतमी उपस्थित प्रेक्षकांना तिच्या घायाळ अदा दाखवत नृत्य करताना दिसली. तर दुसऱ्या व्हिडिओत अंगावर पाणी घेत गौतमी लावणी करताना दिसली. या सगळ्या प्रकारात गौतमीला तृप्ती देसाईंनी सपोर्ट केलाय.

(Trupti Desai full support for lavani dancer Gautami patil)

तृप्ती देसाईंची एक मुलाखत सध्या चर्चेत आहे. यात त्या गौतमीला समर्थन देताना देत असून त्यांनी तिला सपोर्ट केलाय. तृप्ती म्हणाल्या, “गौतमी पाटील सर्वसामान्य घरातून आलेली एक मुलगी आहे. त्यामुळे तिला पाठिंबा देणं गरजेचं आहे. अनेक राजकीय नेते याशिवाय इंदुरीकर महाराज जेव्हा तिला विरोध करतात, तेव्हा सर्वसामान्य जनता तिच्यामागे ठामपणे उभी राहते. कारण गौतमी एका गरीब घरातून आलेली आहे. पण महिला म्हणून तिला पाठिंबा देणं गरजेचं आहे.” अशाप्रकारे तृप्ती देसाईंनी गौतमीला सपोर्ट केलाय.