Tunisha Sharma death case: टीव्ही अभिनेत्री तुनिषा शर्माच्या आत्महत्या प्रकरणात दररोज नवनवीन खुलासे होताना दिसत आहे. तुनिषाच्या आईनं एका पत्रकार परिषदेमध्ये शिझानवर टोकाचे आरोप केले आहेत. शिझान हाच तुनिषाच्या आत्महत्येला कारणीभूत असल्याचे तुनिषाच्या आईनं म्हटले आहे.

अद्याप तुनिषाच्या आत्महत्या प्रकरणात पोलिसांकडून वेगवेगळी धक्कादायक माहिती पुढे येत आहे. पोलिसांना आता त्या प्रकरणात सीसीटीव्ही फुटेजही मिळाले आहे. शिझान हा तुनिषाला धर्म परिवर्तनासाठी आग्रह करत असल्याचे सांगण्यात आले होते. त्यानंतर वेगळ्याच चर्चेला तोंड फुटल्याचे दिसून आले आहे. नेटकऱ्यांनी देखील शिझानला ट्रोल केले आहे.

Also Read - जोखमीचे भान राखूनच करा SIP मध्ये गुंतवणूक

तुनिषानं २४ डिसेंबर रोजी अलीबाबा दास्तना ए काबूलच्या सेटवर आत्महत्या केली होती. तुनिषा इतक्या टोकाचे पाऊल उचलेल असं कुणालाही वाटलं नव्हतं. मात्र तिच्या या घटनेनं सगळ्यांना कोड्यात पाडले आहे. तुनिषाच्या आत्महत्येपूर्वी देशात श्रद्धा वालकर आणि आफताब पुनावाला घटनेचे पडसाद ताजे असताना तुनिषाच्या घटनेनं पुन्हा एकदा अनेकांचे लक्ष वेधून घेतले आहे.

तुनिषाच्या आत्महत्येला तिच्या आईनं विनिता शर्मा यांनी ही हत्या असल्याचे म्हटले आहे. पोलिसांनी शिझानला अटक केली असून कोर्टानं त्याला १४ दिवसांची कोठडी सुनावली आहे. यासगळ्यात शिझानच्या वकीलांनी तुनिषावर धक्कादायक आरोप केले आहेत. शैलेंद्र मिश्रा हे शिझानच्या वकीलांचे नाव असून त्यांनी शिझानची कुणी सिक्रेट गर्लफ्रेंड होते की नाही हे उद्या पत्रकार परिषेदतून सांगणार आहे. तुनिषानं काय केलं, ती कुठे चुकली हे तिला माहिती होते. म्हणून तिनं टोकाचे पाउल उचलले.

दुसरं म्हणजे जो कुणी तो पवन मिश्रा आहे तो तुनिषाचा मामा नाही की काका नाही. आम्ही सगळे प्रेस कॉन्फरन्समध्ये सांगणार आहोत. तेव्हा सांगुच की तो खरा कोण आहे, असे वकिलांनी सांगितले आहे. आत्महत्यापूर्वीच शिझानसोबत तुनिषाचे पंधरा दिवसांपूर्वीच ब्रेक अप झाले होते. असे वकीलांनी यावेळी सांगितले.