Disha Parmar Blessed with Girl Child:टीव्ही अभिनेत्री दिशा परमार आणि गायक राहुल वैद्य यांच्या घरी एका छोट्या पाहुण्याचं आगमन झालं आहे. दिशा परमारने एका मुलीला जन्म दिला आहे. होय, खुद्द राहुल वैद्य यांनी सोशल मीडियावर एक पोस्ट शेअर करून ही माहिती दिली आहे.

पोस्ट शेअर करताना राहुलने लिहिले की, 'लक्ष्मी आमच्या घरी आली आहे. आई आणि बाळ दोघेही ठीक आहेत. काळजी करण्यासारखे काहीही नाही. आमच्या चिमुकलीला तुमचे आशीर्वाद द्या.

दिशा-राहुलची प्रेमकहाणी

दिशा आणि राहुलची प्रेमकहाणी सोशल मीडियावर एका कमेंटने सुरू झाली. राहुलचा म्युझिक व्हिडिओ पाहून दिशा प्रभावित झाली. दिशाने राहुलच्या पोस्टवर कमेंट केली आणि राहुलला दिशाची कमेंट खूप आवडली. त्यानंतर दोघांनी म्युझिक अल्बममध्ये काम केले. दोघांमधील जवळीक वाढतच गेली आणि त्यानंतर 2020 मध्ये 'बिग बॉस 14' शोमध्ये राहुलने तिला प्रपोज केले. तेव्हा दिशाने 'हो' म्हटलं आणि दोघांनी 2021 साली लग्न केलं.