आजारपणातुन परतलेला सलमान पुन्हा त्याच्या जून्या अंदाजात परतला आहे. येताच त्याने त्याच्या मागे शोमध्ये झालेले राडे आवरायला सुरवात केली आहे. 'फ्रायडे का वार'मध्ये तो सर्वांचा क्लास घेतांना दिसतोय. येताच त्याने अंकित आणि सुंबुल यांना धारेवर धरलं.

मात्र नुकतचं बिग बॉसच्या निर्मात्यांनी शेअर केलेल्या प्रोमोमुळे चाहत्यांना नक्कीच दु:ख होणार आहे. या ह आठवड्यात घरातील सात सदस्यांवर नॉमिनेशनची तलवार लटकलेली आहे. यात निमृत कौर अहलुवालिया, गौतम विग, गोरी नागोरी, टीना दत्ता, सौंदर्या शर्मा, अब्दू रोजिक आणि शिव ठाकरे यांचा सामावेश आहे. यात  अब्दु रोजिकवर घराबाहेर जाण्याची वेळ आल्याचे प्रोमोत दिसतेय. शोच्या नवीन प्रोमोमध्ये सलमान खान चांगलाच संतापलेला दिसत आहे.

तो घरातील सदस्यांवर खूप नाराज आहे आणि बोलतो की तुम्ही सर्व अब्दूला नॉमिनेट करत असतात. तो  मजबूत आहे मजबूत आहे असं म्हणतात, याचा परिणाम पहायचा आहे तुम्हाला आता अब्दु हा शो सोडुन जात आहे. यानंतर सलमान अब्दूला घरातून बाहेर येण्यास सांगतो त्यानंतर अब्दू जड अंतःकरणाने त्याच्या जागेवरून उठतो .हे ऐकून घरातील प्रत्येक सदस्यांना धक्का बसतो त्याच वेळी निमृत रडायला लागते आणि 'नो सर, प्लीज नाही' म्हणते आणि अब्दूला थांबवण्याचा प्रयत्न करते.

अब्दु रोजिक हा एक तगडा स्पर्धक आहे. केवळ घरातच नव्हे तर तो बाहेरही सर्वांचा चाहता आहे. तो सर्वांचं मनोरंजन करण्याचा प्रयत्न करत असतो. तो फिल्टरशिवाय खेळण्याचे बोलले जाते.स्वत: सलमानने देखील त्याची अनेकवेळा स्तृती केली आहे. त्याच्या नॉमिनेशननंतरही नेटकऱ्यांनी प्रियंकाला चांगलंच झाडलं होतं. आता अब्दू खरंच घराबाहेर जातो की हा फक्त एक प्लॅन आहे. शोचा टिआरपी वाढवण्यासाठी हे भासवलं जात आहे. हे पूर्ण एपिसोड पाहिल्यानंतरच कळेलच मात्र अब्दुच्या जाण्याचा परिणाम हा शोच्या रेटिंगवर होइल हे नक्कीच