'बिग बॉस16 या शोची लोकप्रियता दिवसेंदिवस वाढत आहे. हा खेळ आता रंगात येत आहे. यात वादविवादच नव्हे तर कधी वातावरण हाणामारी पर्यंत जातं. मात्र शोच्या आगामी 4 डिसेंबरचा एपिसोडमध्ये वेगळ चित्र पहायला मिळणार आहे. हा एपिसोड खूपच भावूक असणार आहे.

'फॅमिली वीक' टास्क अंतर्गत स्पर्धकांचे कुटुंबीय त्यांना भेटायला येतील असं वाटतं आहे. पण आता थोडं वेगळ घडतयं, बिग बॉस कुटुंबातील सर्व सदस्यांना त्यांच्या मनातील भानना शेअर करण्याची संधी देणार आहेत. जेव्हा बिग बॉसने ही संधी दिली तेव्हा घरातील सर्व सदस्य भावूक झालेले दिसले तर शिव ठाकरे आणि प्रियंका जोरजोरात रडतांना दिसताय.

निर्मात्यांनी एक प्रोमो रिलीज केला आहे. यात प्रोमोमध्ये बिग बॉस म्हणतोय ' खूप दिवस झाले घरातल्यांपासून दुर आहात. चला माझ्यासोबत मनापासून बोलूया.'

जेव्हा शिव कन्फेशन रूममध्ये जातो तेव्हा तो बिग बॉसला सांगतो, ' काहींना वाटतं की मी डोक्याने खेळतो . पण घरच्यांना माहीत आहे की मी नेहमी माझ्या मनाचं ऐकतो. मला त्यांच्यासमोर रडताही येत नाही. नाहीतर मी कमजोर वाटेल.'

त्यानंतर अर्चनाचही वेगळचं रुप दिसतं अर्चना गौतमलाही आपले अश्रू आवरता येत नाही. तिचा नंबर आल्यावर तिला रडू कोसळले आणि म्हणते की आजपर्यंत मी कोणालाच काही वाईट बोललो नाही आणि या घरात आल्यानंतर मी अशी का झाली हे मला माहीत नाही. तर प्रियांकाही खूप रडतांना दिसतेय.एकंदरीत आगामी एपिसोड खूपच भावनिक असणार आहे, असं दिसतयं.