दीपिका कक्कर आणि शोएब इब्राहिम हे टीव्ही इंडस्ट्रीतील सर्वात क्यूट कपल आहे. त्यांनी 2018 मध्ये लग्न करण्याचा निर्णय घेतला. दीपिका आणि शोएबच लग्न मूळ गावी मौदाहा, यूपीमध्ये झाला होता.

आता या कपलनं चाहत्यासोबत एक गोड बातमी शेअर केली आहे. हे जोडपं लवकरच आईबाबा होणार आहे. सोशल मिडियावर फोटो पोस्ट करत दिपिकाने ही बातमी चाहत्यांसोबत शेअर केली. यात दोघंही बसलेले असून त्यांनी डोक्यावर मॉम आणि डॅड असं लिहिलेली कॅप घातली आहे.

यासोबतचं तिने कॅप्शनमध्ये लिहिलयं, कृतज्ञता, आनंद, उत्साह आणि अस्वस्थतेने भरलेल्या मनाने ही बातमी तुम्हा सर्वांसोबत शेअर करत आहे. आमच्या जिवनातील सुंदर आंनदाचे क्षण आहेत...होय आम्ही आमच्या पहिल्या मुलाची अपेक्षा करत आहोत!! लवकरच पालकत्व स्वीकारणार आहे"

गेल्या काही दिवसांत ते आईबाबा होणार अशा बातम्या सोशल मिडियावर पसरत होत्या मात्र त्यावेळी दिपिकाने या सर्व अफवा आहेत असं सांगितलं होत. मात्र आता तिने स्वत:च ही बातमी सांगितल्याने तिच्या चाहत्यांमध्ये आनंदाचे वातावरण असून तिच्या चाहत्यांबरोबरच टिव्ही विश्वातील कलाकारांनीही तिचे अभिनंदन केले आहे.

लग्नाआधी दीपिकाने शोएबसाठी इस्लाम धर्म स्वीकारला होता. यानंतर दीपिकाचे नवे नाव फैजा ठेवण्यात आले. पण सुरुवातीला दीपिकाने तिचे नवीन नाव गुप्त ठेवले होते. पण लग्नानंतर दीपिकाच्या धर्मांतराची बाब समोर आल्यावर बराच गदारोळ झाला.