मुंबई - अभिनेता अक्षय वाघमारे (akshay waghmare) आणि योगिता गवळी (yogita gawali) यांनी आनंदाची बातमी दिली आहे. ती म्हणजे अक्षय आणि योगिताच्या घरात चिमुकल्या पाहुणीचे आगमन झाले आहे. योगिताने एका कन्येला जन्म दिला आहे. बाळाचा जन्म मुंबईतील दादर येथील एका नर्सिंग होममध्ये झाला आहे. योगिता ही ‘डॅडी’ (daddy) अर्थात गँगस्टर अरुण गवळी (gangster arun gawali) यांची मुलगी आहे. त्यामुळे अरुण गवळी आजोबा झाले आहेत. अक्षय आणि योगितासह त्यांच्या सर्व कुटुंबीयांमध्ये या नव्या पाहुणीच्या आगमनामुळे आनंदाचे वातावरण आहे.

मागील वर्षी मे महिन्यात अक्षय (akshay waghmare) आणि योगिताचे लग्न झाले होते. बाबा झाल्यावर प्रतिक्रिया देताना अक्षयच्या चेहऱ्यावरचा आनंद ओसंडून वाहत होता. तो म्हणाला, की मला इतका आनंद झाला आहे की तो मी शब्दात मांडू शकत नाही.

एक बाबा म्हणून मी माझा प्रवास सुरु करणार आहे आणि त्यासाठी मी खूपच उत्सुक आहे. बाळ आणि योगिता दोघेही सुखरूप आहेत. आमच्या कुटुंबात नवीन सदस्य आल्यामुळे सर्वांच्या चेहऱ्यावर हसू उमटले आहे. इतकेच नव्हे तर बाळाचे नाव काय ठेवणार अशा प्रश्नांनी भंडावून सोडले आहे.