Urfi Javed at bandra police station: आपल्या अतरंगी फॅशनमुळे लाइमलाईटमध्ये राहणारी उर्फी जावेद ही नेहमीत कोणत्या ना कोणत्या कारणाने चर्चेत असते. कधी तिच्या व्हिडिओमुळे तर कधी तिच्या लूकमुळे उर्फीची चर्चा मात्र रंगतेच. मात्र यावेळी उर्फी चर्चेत आली आहे ती वेगळ्याच कारणामुळे.

उर्फी जावेद ही नुकतीच वांद्रे पोलिस स्टेशनमध्ये दिसली आहे. सध्या तिचा व्हिडिओ सोशल मीडियावर व्हायरल झाला आहे ज्यात ती पोलिस स्टेशनमधून बाहेर पडताना दिसत आहे.

सार्वजनिक ठिकाणी 'आक्षेपार्ह' पोशाख परिधान केल्याबद्दल तिच्याविरुद्ध तक्रार दाखल करण्यात आली होती. यानंतर ओटीटी फेम उर्फी जावेदने सोमवारी (२३ ऑक्टोबर) वांद्रे पोलिस स्टेशनमध्ये हजर झाली होती.

मात्र यावेळी देखील उर्फीच्या फॅशनने सर्वांचे लक्ष वेधले. तिच्या ड्रेसवर लिहिले होते 'कॅचिंग द डॉन...' यावेळी उर्फीनं कट-आउट जीन्स आणि पीच टी-शर्ट घातला होता. यासोबत परिधान केलेल्या ब्लेझरने लक्ष वेधून घेतले होते ज्यावर तिने तिला ट्रोल करणाऱ्यांसाठी संदेश लिहिला आहे.

सध्या हा व्हिडिओ सोशल मिडियावर व्हायरल होत आहे. यावर नेटकरी प्रतिक्रिया देत आहेत. नेमकं काय प्रकरण आहे. उर्फी पोलिस स्टेशनला का गेली? उर्फीला तुरुंगात टाकलं का? अशा अनेक कमेंट तिच्या व्हिडिओला येत आहेत.

तर अनेकांनी तिच्या व्हिडिओला मजेशीर कमेंटही केल्या आहेत. एकानं लिहिले की, 'तिच्या अर्ध्या चोरी गेलेल्या जीन्सची तक्रार करायला ती आली असेल', तर एका यूजरने लिहिले आहे की, 'अ लेडी डॉन उर्फी जावेद.'

उर्फी जावेदवर तिच्या लूक आणि ड्रेसिंग सेन्ससाठी अनेकदा टीका झाली आहे. मात्र, उर्फी जावेदला या गोष्टींची पर्वा नाही. उर्फी जावेदने टीव्ही मालिकांमध्येही काम केले आहे. उर्फी जावेद आता मालिकांमध्ये दिसत नसून ती रिअॅलिटी शो करत आहे.