देशभरात अयोध्येतील रामलल्लाच्या प्राणप्रतिष्ठा सोहळ्याचा उत्साह दिसून येत आहे. अनेकांना या सोहळ्याचं आमत्रंण देण्यात आलं आहे. या सोहळ्यासाठी अनेक जण उपस्थित असणार आहेत.

तर काही बडे नेते, अभिनेते हे घरी किंवा एखाद्या मंदिरात पूजा करताना दिसत आहेत. अशातच आपल्या अतरंगी फॅशनमुळे वारंवार चर्चेत असलेली उर्फी जावेद देखील आज श्री रामाच्या भक्तीत तल्लीन झाल्याचे दिसून येत आहे.

उर्फी जावेदने पूजा केल्याचा व्हिडीओ सोशल मिडीयावर व्हायरल झाला आहे. तसेच उर्फीचा आजचा साधा ड्रेसमधील लूक देखील चर्चेत आला आहे. तिने हा व्हिडीओ सोशल मिडीया अकाऊंट वरून शेअर केला आहे. तर त्या व्हिडीओला तिने 'राम आयेंगे तो..' हे गाणं लावलं आहे.

तिने घरी होम पेटवला आहे. यावेळी पूजा सुरू असल्याचं व्हिडीओमध्ये दिसून येत आहे. 22 जानेवारी रोजी अयोध्येतील राम मंदिर प्राणप्रतिष्ठेच्या आधी उर्फी जावेदने तिच्या घरात हवन केले त्याचा व्हिडिओ तिने शेअर केला.

बोल्ड फॅशन निवडीसाठी ओळखल्या जाणाऱ्या जावेदने पारंपारिक भारतीय पोशाख परिधान करून अग्नीला तूप अर्पण करून विधी केला. त्याचबरोबर 'आजचा दिवस साजरा करणाऱ्या प्रत्येकाचे तिने अभिनंदन केले आहे.