Urfi javed vs BJP Chitra Wagh Memes viral social media comment : भाजपच्या नेत्या चित्रा वाघ आणि अभिनेत्री, सेलिब्रेटी उर्फी जावेद यांच्यातील वाद थांबण्याचे नाव घ्यायला तयार नाही. वाघ बोलल्या की त्यावर उर्फी तितक्याच जोरदारपणे हल्ला करताना दिसते आहे. गेल्या काही दिवसांपासून या दोन्ही व्यक्तींनी लक्ष वेधून घेतले आहे.

उर्फीनं तर चित्रा वाघ यांना पहिल्यांदा चित्रू असे म्हटले त्यानंतर वेगवेगळे फोटो शेयर करुन आपण काही कुणाचे ऐकायला बांधील नाही असा थेट इशारा दिला होता. दुसरीकडे चित्रा वाघ यांनी आपला लढा हा काही कोणत्या धर्माविरुद्ध नाही, त्या व्यक्तीविरोधात देखील नाही. फक्त समाजात जी काही नग्नता पसरवली जात आहे. त्यासाठी आहे.

Also Read - या महामार्गामुळं खरंच येईल 'समृद्धी'?

चार भिंतीच्या आत कुणी काय पेहराव करते याच्याशी आम्हाला देणे घेणे नाही. मात्र ज्यावेळी तुम्ही समाजात नंगटपणा करता तेव्हा तो आक्षेपार्ह आहे. तो करणाऱ्यांविरोधात कायदेशीर कारवाई व्हावी. असे वाघ यांचे म्हणणे आहे. यासाठी त्यांनी राज्य महिला आयोगाकडे तक्रार देखील केली होती. मात्र त्यांच्याकडून सकारात्मक प्रतिसाद आलेला नाही.

राज्य महिला आयोगाच्या उत्तरानं वाघ संतापल्या होत्या. उर्फी काय करते, ती कोणत्या प्रकारे समाजात वावरते आहे हे पाहूनही तिच्यावर कारवाई होत नाही याला आपण काय म्हणणार असा प्रश्न वाघ यांनी यावेळी केला होता. यासगळ्यात सोशल मीडियावर आता पुन्हा चित्रा वाघ विरुद्ध उर्फी असा सामना सुरु झाला आहे. नेटकऱ्यांचा उर्फीला पाठींबा मिळत असल्याचे दिसून आले आहे.

यासगळ्यात उर्फी आणि चित्रा वाघ यांच्यावर सोशल मीडियावर मीम्सही व्हायरल झाले असून ते नेटकऱ्यांचे लक्ष वेधून घेताना दिसत आहे. वेगवेगळ्या प्रकारचे मीम्स नेटकऱ्यांना प्रतिक्रिया देण्यास भाग पाडत आहेत. आता तर तुळजापुरच्या मंदिरात उर्फी ही चित्रा वाघ यांच्या कुटूंबियासमवेत दर्शन घेत असल्याचे फोटो व्हायरल झाले असून ते चर्चेचा विषय आहेत.

उर्फीन तर चित्रा वाघ यांना माझी सासू असे म्हणूनच हाक मारायला सुरुवात केली आहे. त्यामुळे नेटकऱ्यांनी देखील त्यावरुन मीम्स शेयर केले आहेत. काहींनी उर्फीची तऱ्हेवाईक फोटो आणि चित्रा वाघ यावरुन मीम्स तयार केले आहेत.