Urmila Kothare: उर्मिला कोठारे ही अभिनेत्री आहेच पण उत्तम नृत्यांगणा देखील आहे. मुलीच्या जन्मानंतर तिला वेळ देता यावा म्हणून उर्मिलानं अॅक्टिंगमधून ब्रेक घेतला होता पण आपल्या नृत्याची आवड शो च्या माध्यमातून ती अनेकदा जपताना दिसली. बऱ्याच दिवसांनी ती झी मराठी वरील एका मालिकेत लीडमध्ये दिसली त्यामुळे चर्चा सुरू झाली होतीच पण इतक्यात तिनं त्या मालिकेतून एक्झिट घेतली अन् पुन्हा तिचे चाहते नाराज झाले. (Urmila Kothare Marathi actress post about her autograph marathi movie)

पण आता दिसत आहे की उर्मिला हळूहळू अॅक्टिंगमध्ये पुन्हा सक्रिय होत चाललीय. रानबाजार या वेबसिरीजमध्ये देखील तिची भूमिका लक्षवेधी ठरली. त्यानंतर सुमित राघवनसोबत एकदा काय झालं सिनेमातही तिनं उल्लेखनीय काम केलेलं नजरेस पडलं. इतकं सगळं उत्तम उर्मिलाच्या आयुष्यात घडत असतानाच मध्येच तिच्या आणि आदिनाथ कोठारेच्या वैवाहिक आयुष्यात अडचणी आल्य़ाची बातमी पसरली होती.

यावर आदिनाथनं भले सगळ्या अफवा आहेत असं सांगून बातमीवर पडदा टाकला असला तरी उर्मिलानं मात्र याप्रकरणावर काहीच भाष्य केलेलं नाही. त्यामुळे अजूनही हा प्रश्न अनुत्तरीतच आहे. म्हणूनच आता उर्मिलानं केलेली एक पोस्ट कॅप्शन वाचल्यावर चर्चेत आली. हो,पण तिनं पोस्ट केलेला व्हिडीओ पाहिला की उर्मिला नेमकं कशाविषयी बोलतेय याचा उलगडा होऊन जातो पटकन.

उर्मिलानं केलेली पोस्ट ही तिच्या आगामी सतीश राजवाडे दिग्दर्शित ऑटोग्राफ सिनेमाची आहे. या सिेनमात तिच्यासोबत अंकुश चौधरी आणि अमृता खानविलकर मुख्य भूमिकेत आहेत. उर्मिलानं सिनेमाचा टिझर पोस्ट करत लिहिलं आहे,''मनात एक तरी लपवून किंवा जपून ठेवलेली लव्ह स्टोरी असते .....!''
तुमची कोणती आहे?
ऑटोग्राफ....
३० डिसेंबरपासून तुमच्या जवळच्या चित्रपटगृहांत!

उर्मिलानं कॅप्शनमध्ये जे काही लिहिलं होतं ते नजरेस पडल्यानं आधी चाहते गोंधळलेच होते ना राव. असो,आता मनातला गोंधळ मिटला असेल तर उर्मिलानं जे विचारलंय ते शेअर करा पटकनं...आपल्या मनात लपवलेली लव्हस्टोरी...सांगताय ना...