Urvashi Rautela Trolled: बॉलीवूडमधील सौदर्यंवती अभिनेत्री म्हणजे उर्वशी रौतेला ही नेहमी कोणत्या ना कोणत्या कारणाने चर्चेत राहते. ती नेहमी असं काहीतरी करते की त्याची चर्चा रंगते.

त्यातच आता पुन्हा तिची एक पोस्ट सोशल मीडियावर चर्चेत आली आहे. तिने पॅरिस, फ्रान्समधील आयफेल टॉवरखाली 'क्रिकेट वर्ल्ड कप 2023' ट्रॉफीची झलक दाखवत पुन्हा एकदा इतिहासात तिचं नाव कोरले आहे. असं करणारी उर्वशीने ही पहिली अभिनेत्री बनली आहे असं तिने या पोस्टमध्ये लिहिलं आहे.

उर्वशी रौतेलाने 2023 च्या वर्ल्ड कप ट्रॉफीसह तिचे फोटो सोशल मीडियावर व्हायरल झाले आहेत. तिचे हे फोटो पाहिल्यानंतर तिच्या चाहत्यांनी तिच्यावर कौतुकाचा वर्षाव केला आहे तर काहींनी नेहमीप्रमाणे तिला ट्रोल केलं आहे. 'तु आपल्या देशाची शान आहेस, आयफेल टॉवरच्या खाली क्रिकेट विश्वचषक 2023 ची ट्रॉफी चमकतेय, तू पुन्हा हे सिद्ध केलं' अशा अनेक कमेंट तिचे चाहते करत आहेत.

तर दुसरीकडे फोटो शेयर करताच नेटकऱ्यांनी तिला पुन्हा खूप ट्रोल केले आहे.

त्याचे झालं असं की, या फोटोसोबत उर्वशीने लिहिले आहे की ती वर्ल्ड कप ट्रॉफीसोबत दिसणारी ती पहिली सेलिब्रिटी आहे. मात्र याआधी सुपरस्टार शाहरुख खानचा वर्ल्ड कप ट्रॉफीसोबतचा फोटो आयसीसीने आपल्या प्रोमोमध्ये शेअर केला होता.

तर काहींनी तिला आठवण करुन दिली की, "शाहरुख खान या ट्रॉफीसोबत फोटो शेयर करणारा पहिला कलाकार आहे."

तर दुसऱ्याने लिहिलयं की, 'तू पहिले बाजूला हो',तर एकानं लिहिलयं की, "तिने ऋषभ पंतच्या आधी ट्रॉफीला स्पर्श केला." तर एकानं तिला स्वतःच्याच तोंडाने स्वतःची प्रशंसा करणे थांबवा असा सल्ला दिला आहे.

योवेळी भारतात होणाऱ्या या वर्ल्ड कप मध्ये आत्तापर्यंत 10 संघ निश्चित झाले आहेत. या यादित भारत, पाकिस्तान, ऑस्ट्रेलिया, न्यूझीलंड, इंग्लंड, दक्षिण आफ्रिका, बांगलादेश आणि अफगाणिस्तान, श्रीलंका आणि नेदरलँड या देशाच्या नावाचा सामावेश आहे.