Ind Vs Pak Urvashi Rautela: भारत - पाकिस्तान सामना रंजक वळणावर आहे. या सामन्याला अनेक बॉलिवूड तारे - तारकांनी उपस्थिती दर्शवली आहे. अशातच मॉडेल - अभिनेत्री उर्वशी रौतेला सुद्धा भारत - पाकिस्तान सामना पाहायला आली. उर्वशी टीम इंडियाला चिअर करण्यासाठी थेट मैदानात पोहोचली आहे. आज सुरु असलेल्या भारत - पाकिस्तान मॅचदरम्यानचा उर्वशीचा व्हिडीओ चांगलाच व्हायरल झालाय.

(urvashi rautela viral video during ind vs pak wc 2023 match)

उर्वशीच्या उपस्थितीने वेधलं सर्वांचं लक्ष

उर्वशीचा एक व्हिडीओ सोशल मीडियावर व्हायरल झालाय. यात पाहायला मिळतं की, उर्वशी अहमदाबादच्या नरेंद्र मोदी स्टेडियममध्ये भारत - पाकिस्तान सामन्यासाठी उपस्थित आहे. 1 लाखाहून अधिक प्रेक्षकांनी खचाखच भरलेल्या या स्टेडियममध्ये उर्वशी भारत आणि पाकिस्तान यांच्यातील क्रिकेट सामन्याचा आनंद घेताना दिसत आहे. यावेळी, उर्वशी रौतेलाने स्टायलिश निळ्या रंगाचा ड्रेस परिधान केला आहे. टीम इंडियाला सपोर्ट करण्यासाठी उर्वशीने हा खास ड्रेस परिधान केलाय असं बोललं जातंय.

तिकडे पाकिस्तान ऑलआऊट आणि इकडे उर्वशीने वेधलं सर्वांचं लक्ष

भारत - पाकिस्तान सामना रंजक वळणावर आहे. भारताने उत्कृष्ट बॉलिंगच्या जोरावर पाकिस्तानला ऑलआऊट केलं आहे. पण उर्वशीच्या उपस्थितीने स्टेडियममधील अनेकजण तिचं सौंदर्य पाहून क्लीन बोल्ड झाले असतील शंका नाही.

भारत - पाकिस्तान सामन्याबद्दल बोलायचं झालं तर, पहिली इनिंग संपली असून भारताला पाकिस्तानला हरवण्यासाठी १९२ रन्सचं टार्गेट आहे.