सोनी लिव्हवरील sony liv हर्षद मेहता harshad mehata या लोकप्रिय वेबसिरीजवरील web serise एका दृष्यामुळे अडचणीत आलेल्या सोनी पिक्चर्स नेटवर्क इंडिया प्रा लि कंपनीने मुंबई उच्च न्यायालयात धाव घेतली आहे. कंपनीवर सोमवारपर्यंत कोणतीही कारवाई करु नये, असे निर्देश न्यायालयाने मुंबई पोलिसांना दिले आहेत.

स्कॅम 1992 हर्षद मेहता स्टोरी या सोनी लाईव्ह एपवरील वेबसिरीजमध्ये एका दृष्यात कराड अर्बन को ऑपरेटिव्ह बँकेचा लोगो दाखविण्यात आला आहे. विना परवाना अशाप्रकारे बँकेचा लोगो प्रदर्शित केल्याचा आणि बँकेची बदनामी केल्याचा आरोप करत पुण्यातील सहकार नगर पोलीस ठाण्यात बँकेने ट्रेडमार्क, आयपीसी,आणि माहिती तंत्रज्ञान कायद्यानुसार गुन्हा दाखल केला आहे. ही तक्रार रद्द करण्यासाठी सोनी पिक्चर्सने याचिका केली आहे. याचिकेवर न्या एस एस शिंदे आणि न्या एन जे जमादार यांच्या खंडपीठापुढे आज सुनावणी झाली. वेबसिरीज प्रक्षेपित करताना कोणत्याही प्रकारे कोणाच्याही हक्काचे उल्लंघन होणार नाही आणि साधर्म्य आढळल्यास योगायोग समजावा असे आम्ही स्पष्ट केले आहे, त्यामुळे जाणीवपूर्वक हा एफआयआर केला आहे, असा युक्तिवाद सोनीकडून करण्यात आला. तसेच वेब सिरीजमध्ये असलेली बँक ऑफ कराड आहे आणि कराड बँकेशी याचा संबंध नाही, पोलीस अकारण आमच्यावर कारवाई करत आहेत, असा दावा यावेळी करण्यात आला. न्यायालयाने पुढील सुनावणी सोमवारी निश्चित केली आहे.

हर्षद मेहताचा रोखे घोटाळा सन 1992 मध्ये उघड झाला होता आणि त्यावेळी बँक ऑफ कराडचा सहभाग उघड झाला होता. त्यानंतर बँक सन 1994 मध्ये बँक औफ इंडियामध्ये विलिन करण्यात आली होती. हर्षल मेहता स्टोरी ऑक्टोबरमध्ये 2020 ला प्रदर्शित झाली होती.