<iframe src="https://omny.fm/shows/sakalchya-batmya/33691ae6-7e85-4859-be4e-af450076d4f4/embed" width="100%" height="180" allow="autoplay; clipboard-write" frameborder="0" title="Sakal Unplugged - नाटकाविषयीचं प्रेम अत्यंत पोकळ आणि बेगडी.. वैभव मांगले यांनी कुणावर केली टीका"></iframe>vaibhav mangale: अभिनेता वैभव मांगले सध्या बरेच चर्चेत आहेत. नुकताच येऊन गेलेला त्यांचा टाइमपास 3 सिनेमा असो किंवा सध्या जी मराठी वरील 'डान्स महाराष्ट्र डान्स' कार्यक्रमात ते साकारत असलेली चिंची चेटकीणीची भूमिका असो. शिवाय वैभव सातत्याने विविध विषयांवर भाष्य करत असतो. नुकत्याच झालेल्या मराठी रंगभूमी दिनाच्या निमित्ताने त्यांनी त्याने सकाळ unplugged पॉडकास्ट मध्ये खास मुलाखत दिली. यावेळी त्याने रंगभूमीवरील विविध विषयांवर भाष्य केले आणि काही मुद्यांवर सडेतोड टीकाही केली.

(vaibhav mangale talks about marathi drama theatre uncleanliness and marathi rangbhumi din)

या मुलाखतीत ते म्हणाले 'नाटकाविषयीचं हे प्रेम अत्यंत पोकळ आणि बेगडी आहे..' त्याममागे कारणही तसेच आहे. मराठी रंगभूमी दिन नुकताच पार पडला. यानिमित्ताने अनेक कलाकारांनी आपल्या आठवणी शेअर केल्या तर काहींनी रंगभूमीवरील अडचणी मांडल्या. नाट्यगृह दुरवस्था, स्वच्छता अशा अनेक चुका काढत प्रशासनाने त्यात सुधारणा करण्याची मागणी केली गेली. त्याच अनुषंगाने प्रशासनाला नाटकाप्रती अनास्था आहे का, असे विचारण्यात आले. यावेळी वैभव यांनी मात्र अत्यंत स्पष्ट शब्दात उत्तर दिले.

'आपण केवळ सरकारच्या हलगर्जीपणा बाबत बोलून चालणार नाही. दोष आपलाही आहे. ते नाट्यगृह आपणही वापरतो. कलाकार आणि प्रेक्षकही तिथेच येत असतात त्यामुळे आपण किती आस्था राखतो, आपण किती नियमांच पालन करतो याचाही विचार करायला हवा. केवळ प्राशसनाकडे बोट करून चालणार नाही. कारण आपण जे काही नाटकाविषयीच प्रेम दाखवतो ते अत्यंत पोकळ आणि बेगडी आहे. खऱ्या अर्थाने आपण कुणीच नाटकासाठी किंवा रंगभूमीसाठी सर्वार्थाने काहीही करत नाही.' असे खडेबोल त्यांनी सुनावले.

याशिवाय नवे रंगकर्मी, नवे लेखक आणि रंगभूमीवर वावरताना वाटणारी खंत त्यांनी या मुलाखतीत व्यक्त केली. ती ऐकण्यासाठी वरील लिंक वर क्लिक करा आणि 'अभिनेते वैभव मांगले यांची 'सकाळ unplugged' पॉडकास्ट ही विशेष मुलाखत नक्की ऐका..