Vanita Kharat Ukhana Video: अभिनेत्री वनिता खरात काल विवाहबंधनात अडकली. नातेवाईक व मित्रपरिवाराच्या उपस्थितीत वनिताने तिचा बॉयफ्रेंड सुमित लोंढेशी लग्न केलं. हास्यजत्रातील सर्व कलाकार वनिता व सुमितच्या लग्नाला उपस्थित होते. वनिता खरात लग्नात एक झक्कास उखाणा घेतला. या उखाण्यात सुद्धा वनिता महाराष्ट्राची हास्यजत्रा विसरली नाही.

"टेन्शन रिलीज करायला शोधले मी फंडे १७, सुमित तूच माझा महारष्ट्र तूच माझी हास्यजत्रा" असा खास उखाणा वनिताने घेतलाय. वनिता उखाणा घेत असताना महाराष्ट्राची हास्यजत्रा मधले कलाकार तिच्या मागेच उभे होते. वनिताने जसा उखाणा घेतला तसा हास्यजत्रेतल्या कलाकारांनी एकच धिंगाणा केला. एकूणच महाराष्ट्राची हास्यजत्रा मधील सर्व कलाकारांनी शूटिंग मधून वेळ काढत वनीताच्या लग्नात एकच धम्माल केली.

वनिताने लग्नासाठी पांढऱ्या रंगाची नऊवारी साडी नेसून मराठमोळ्या लूकमध्ये ती दिसून आली. गुलाबी रंगांचा डिझायनर ब्लाऊज व पैठणी शेल्यात नववधू वनिता नटली. अभिनेत्री प्राजक्ता माळीने दिलेल्या प्राजक्तराजच्या पारंपरिक दागिन्यांमध्ये वनिताचं सौंदर्य आणखी खुलून आलं. सुमितने शेरवानी परिधान करत शाही लूक केला. वनिता व सुमितच्या लग्नाचे काही फोटो समोर आले आहेत.

वनिता आणि सुमितच्या लग्नसोहळ्याचे फोटो सोशल मीडियावर व्हायरल झाले आहेत. वनिता नववधूच्या वेशात खूप सुंदर दिसत आहे. वनिता आणि सुमितच्या लग्नाची सगळीकडेच चर्चा होती. आता अखेर दोघे लग्नाच्या बंधनात अडकले आहेत.महाराष्ट्राची हास्यजत्रेची टीम सुद्धा या दोघांच्या लग्नाच्या प्रत्येक कार्यक्रमात सहभागी झाली आहे. अगदी रिसेप्शन सोहळ्यात महाराष्ट्राची हास्यजत्राच्या टीमने धम्माल डान्स केला.

मेहंदी, हळद, लग्न आणि शेवटी रिसेप्शन अशा साग्रसंगीत सोहळ्यात वनिताचं लग्न पार पडलं. वनिताने स्वतः सुद्धा लग्नात धम्माल केली. लग्नाच्या वरातीत वनिता कमाल नाचली. महाराष्ट्राची हास्यजत्रा शो च्या माध्यमातुन वनिता आणि गौरव मोरे लोकप्रिय झाले. वनिता खरातचं फॅन फॉलोइंग जबरदस्त आहे. वनीताच्या लग्नासाठी तिचे फॅन्स देखील तितकेच उत्सुक होते.