अभिनेता विकी कौशल सतत नवनव्या भूमिकांमध्ये पाहायला मिळतो. स्वत:च्या लूक्सवर तो निरनिराळे प्रयोग करत असतो. सध्या विकी त्याच्या 'सरदार उधम' या चित्रपटाच्या प्रमोशनमध्ये व्यग्र आहे. यासाठी तो वेगवेगळे फोटो शेअर करतोय.

याआधीही त्याने उधम सिंग चित्रपटाच्या शूटिंगदरम्यान फोटो इन्स्टाग्रामवर टाकले होते. आता पाठीवर वार असल्याचा फोटो त्याने टाकला आहे. या फोटोला त्याने 'कट्स डिडंट कट' असं कॅप्शन दिलंय. हा फोटो 'सरदार उधम' चित्रपटाच्या शूटिंग दरम्यानचा आहे.

बॉलिवूड अभिनेता विकी कौशल सध्या त्याच्या नुकत्याच प्रदर्शित झालेल्या उधम सिंग चित्रपटाच्या यशाचा आनंद साजरा करतोय. विकी कौशलने चित्रपटाच्या सेटवरील बीटीएस चित्रांची मालिका सोशल मीडियावर शेअर केली होती. यासोबतच विकी कौशलने हा चित्रपट सरदार उधम सिंग आणि दिवंगत अभिनेता इरफान खान यांना समर्पित केला आहे. विकी कौशलने चित्रपटाचे दिग्दर्शक शुजित सरकार यांचेही आभार मानले.