Vijay Deverakonda : अभिनेता देवरकोंडाची सध्या बरीच हवा आहे. दाक्षिणात्य चित्रपट सृष्टीतून आलेल्या या अभिनेत्यावर आता बॉलीवुडही फिदा आहे. सध्या तो चर्चेत आहे कारण त्याचा 'लायगर' (liger) चित्रपट कधी येणार याची उत्सुकता चाहत्यांना लागली आहे. पण आता त्यासाठी आता फारवेळ प्रतीक्षा करावी लागणार नाही. नुकतेच या चित्रपटाचे पोस्टर रिलीज करण्यात आले आहे. यामध्ये विजयाचा भन्नाट लुक पाहून चाहत्यांनी डोळे मोठे केले आहेत. (Vijay Deverakonda goes nude and bold in new poster of Liger movie)

या चित्रपटातून विजय देवरकोंडा बॉलिवूड पदार्पण करणार आहे. विजय देवरकोंडानं हे पोस्टर सोशल मीडियावर शेअर केल्यानंतर चाहत्यासोबत अभिनेत्री सारा अली खाननेही यावर प्रतिक्रिया दिली आहे. या पोस्टर मध्ये विजय न्यूड लुक मध्ये दिसत आहे. त्याशिवाय या पोस्टरवर 'साला क्रॉसब्रिड' असं देखील लिहिलं आहे. त्यामुळे या चित्रपटाचे कथानक नेमकं काय असेल असं प्रश्न चाहत्यांना पडला आहे.

या चित्रपटात विजय देवरकोंडा व्यतिरिक्त बॉलिवूड अभिनेत्री अनन्या पांडे देखील मुख्य भूमिकेत दिसणार आहे. तर या चित्रपटातून साऊथ स्टार विजय देवरकोंडा बॉलिवूडमध्ये पदार्पण करणार आहे. या चित्रपटाची निर्मिती करण जोहरने (karan johar) केली आहे. तर पुरी जगन्नाथ यांनी दिग्दर्शन केले आहे. करण जोहरने हे पोस्टर शेअर करताना हटके कॅप्शन लिहिले आहे. ‘रोज रोज ऐसे गिफ्ट नही मिलते’, असे त्याने कॅप्शनमध्ये लिहिले आहे. या चित्रपटात रम्या कृष्णन, रॉनित रॉय, विशू रेड्डी, अली, माइक टायसन मकरंद देशपांडे हे कलाकारही महत्त्वाच्या भूमिकेत आहेत. 25 ऑगस्ट रोजी हा चित्रपट प्रदर्शित होणार आहे.