सोशल मीडियावर(Social Media) आपल्या फॅशन सेन्समुळे नेहमीच सगळ्यांना हैराण करून सोडणारी उर्फी जावेद(Uorfi Javed) लोकांचं लक्ष आपल्याकडे वेधून घेण्यात मागे हटत नाही. ती काही ना काही असे कारनामे करतेच की ज्यामुळे अगदी वाटत नसताना देखील लोकांचं लक्ष तिच्याकडे जातंच. ती असे अतंरगी ड्रेस घालते की ज्यामुळे नेहमीच तिच्यावर टिकेचा वर्षाव होतो. पण शांत बसेल ती उर्फी जावेद कुठली,ती ट्रोलर्सना बरोबर उलट उत्तर देऊन शांत करते. असो,पण आता तीने चक्क डान्स केला आहे. तेही एका गाजलेल्या जुन्या गीतावर. तिचा हा विडिओ सध्या भन्नाट व्हायरल होत आहे. (viral video urfi javed dance on o hasina julfowali)

उर्फीने या यावेळी कोणते विचित्र कपडे घातले नाही तर डान्स करून विडियो शेअर केला आहे. यासाठी तिने 'ओ हसिना जुल्फोवाली' हे गाणे निवडले आहे. या गाण्यावर तिने मनसोक्त नाच केला आहे. यावेळी तिने निळ्या रंगाचे कपडे परिधान केले आहेत. ज्याच्या मागे दोऱ्यांनी हा ड्रेस पूर्ण झाला आहे. तसेच ड्रेसच्या अर्ध्या भागात निळ्या रंगाचे फर लावले आहे. खाली दिलेल्या लिंक मध्ये तुम्ही हा विडिओ पाहू शकता.

या विडिओला तिने कॅप्शन ही दिले आहे. 'मी काही डान्सर नाही. फक्त हा ड्रेस माझ्यावर खूप खुलून दिसतोय म्हणून मी नाचले' असे कॅप्शन तिने दिले आहे. उर्फीच्या या विडिओला नेटकऱ्यांचा जोरदार प्रतिसाद मिळाला आहे.