adipurush movie comment by virendra sehwag news: आदिपुरुष सिनेमा प्रेक्षकांना आवडला नाही. ज्यांनी सिनेमा पाहिला त्यांनी सिनेमावर सडकून टीका केली. प्रेक्षक, राजकारणी, समीक्षक अशा अनेकांनी सिनेमावर नाराजीची प्रतिक्रिया दिलीय.

सिनेमातले VFX, डायलॉग अशा अनेक गोष्टींवर जाणकारांनी मतं दिली आहेत. आता या सगळ्यात भारताचा माजी क्रिकेटपटू वीरेंद्र सेहवाग याने मौन सोडलंय.

(Virender Sehwag sarcastic comment on adipurush movie)

वीरेंद्र सेहवागने ट्विटरवर एक वाक्य टाकलंय आणि एका वाक्यात विषय संपवलाय. वीरू पाजी लिहितो.. आदिपुरुष पाहून कळलं कि.. कटप्पाने बाहुबलीला का मारलं होतं? एकूणच वीरू पाजीने एका वाक्यातच आदिपुरुष बद्दल कमेंट केलीय.

वीरेंद्रने प्रभासच्या बाहुबलीचा संदर्भ देऊन उपहासात्मक कमेंट केलीय. वीरू पाजीची हि कमेंट सध्या चांगलीच व्हायरल झालीय.

आदिपुरुष बद्दल थिएटर मालकांची नाराजी

आदिपुरुष सिनेमा थिएटरमध्ये प्रदर्शित झाला. आदिपुरुष सिनेमाला अनेक वादाला सामोरं जावं लागलं. आदिपुरुष रिलिजआधी चांगली कमाई करेल अशी सर्वांना खात्री होती.

पण चित्र पालटलं आणि आदिपुरुषला अपेक्षित कामगिरी करता आली नाही. याचा फटका थिएटर मालकांना बसलाय. थिएटर मालकांनी आता मनातली घुसमट बाहेर काढायला सुरुवात केलीय.

आदिपुरुषच्या निर्मात्यांना तुरुंगात टाका

नुकतंच माहीम मधील लोकप्रिय गैटी गॅलॅक्सी थिएटर मालकांची प्रतिक्रिया समोर आलीय. यावेळी थिएटर मालकांनी सगळा राग काढलेला दिसतोय.

मुंबईतील गेटी गॅलेक्सी थिएटरचे मालक मनोज देसाई यांनी याविषयी विधान केलंय, 'आदिपुरुष' निर्मात्यांना तुरुंगात टाकले पाहिजे.

ते पुढे म्हणाले, "चित्रपटात ज्या प्रकारे भगवान हनुमान आणि रावणाचे प्रदर्शन केले आहे ते अजिबात पटत नाही. क्रिती सेनन सीता कशी असू शकते?" असा सवाल त्यांनी विचारलाय. आता आदिपुरुष नंतर प्रभासचा Project K सिनेमा २०२४ ला चाहत्यांच्या भेटीला येणार आहे.