मुंबई : बॉलिवूड अभिनेता टायगर श्रॉफ आणि हृतिक रोशन यांचा 'वॉर' हा चित्रपट नुकताच प्रदर्शित झाला. या चित्रपटाला प्रेक्षकांक़डून जबरदस्त प्रतिसाद मिळत आहे. दमदार  अॅक्शन आणि उत्तम डान्स अशा क़ॉम्बिनेशनसह हृतिक आणि टायगर पहिल्यांदाच एकत्र दिसले आणि या जोडीने बॉक्सऑफिसवर कमाल केली आहे.

गांधी जंयतीच्या निमित्ताने म्हणजेच 2 ऑक्टोबरला चित्रपट प्रदर्शित झाला आणि पहिल्याच दिवशी 53 कोटी 35 लाखांची जबरदस्त ओपनिंग केली. या कलेक्शनसह 'वॉर'ने भारत, मिशन मंगल, साहो आणि कलंक या चित्रपटांना मागे टाकलं आहे. सलग तिसऱ्या दिवशी चित्रपटाने बॉक्सऑफिसवर चांगली कमाई करत 100 कोटींचा आकडा पार केला आहे. ट्रेड अॅनालिस्ट तरण आर्दश यांनी दिलेल्या माहितीनुसार शुक्रवारी (4 सप्टेंबर) ला हिंदी वर्जनने एकूण 21 कोटी 30 लाखांची कमाई केली. तर तेलुगु आणि तमिळ वर्जनने 1 कोटी 15 लाखांची कमाई केली. तिसऱ्या दिवशी चित्रपटाने एकूण 100 कोटी 10 लाखांच कलेक्शन केलं आहे. त्यामुळे 'वॉर' यावर्षीचा सर्वाधिक कलेक्शन करणारा चित्रपट ठरला आहे. 

आमिर खानचा 'ठग्स ऑफ हिंदुस्तान' चित्रपटाने पहिल्याच दिवशी 50.75 कोटींची मोठी ओपनींग केली. 'वॉर' चित्रपटाने त्याचा विक्रम मोडला आहे. 
चित्रपटामध्ये भरपूर अॅक्शनसह इमोशन्सदेखील आहेत. त्याशिवाय थ्रीलर आणि सस्पेन्सचा तडकाही आहे. हृतिक आणि टायगरसह अभिनेत्री वाणी कपूर मुख्य भूमिकेत दिसत आहे. यशराज फिल्म बॅनरसह हा चित्रपट तयार झाला असून आदित्य चोपडाने दिग्दर्शन केलं आहे. हॉलिवूड सिनेमाला टक्कर देणारा हा अॅक्शनपट आहे. स्पेशल ऐजंट कबीर (हृतिक रोशन) आणि खालिद (टायगर श्रॉफ) या दोन कलाकारांभोवती चित्रपटाची कथा आधारीत आहे.