-अशोक व्यवहारे
रश्मिका मंदना आणि विकी कौशल यांनी 'अमूल माचो'साठी जाहिरात शूट केली आहे. पण सध्या ही नवी जाहिरात सगळ्यांच्याच चर्चेचा विषय ठरलाय. याचं कारणही तितकंच 'माचो' आहे.
होझरी प्रा. कंपनीच्या नव्या जाहिरातीमुळे वादाला तोंड फुटलंय. काही आठवड्यांपूर्वी अभिनेता वरूण धवन 'लक्स कोझी'च्या जाहिरातीवरून वादात सापडला होता. त्या जाहिरातीवरून दोन कंपन्यांनी न्यायालयाचा दरवाजा ठोठावला. 'लक्स कोझी'वर खटला भरणारी कंपनी 'अमूल माचो' आहे, जी पुरुषांचे अंडरगारमेंट्स विकते.
जाहिरात खरचं 'माचो' आहे का?
या जाहिरातीत रश्मिका योगा ट्रेनरच्या भूमिकेत असून विकी तिचा विद्यार्थी दाखवलाय. योगा क्लास सुरू असताना एका आसनादरम्यान रश्मिकाला विकीची अंडरवेअर दिसते. त्यावर 'माचो' असं लिहिलेलं असतं. रश्मिकाचं लक्ष आपल्या अंडरवेअरकडे असल्याचं विकीलाही समजतं, मात्र तो पुन्हा डोळे मिटून घेतो.
यानंतर पुढच्या दिवशी होणाऱ्या योगा क्लाससाठी रश्मिका आधीच पोहोचलेली असते. आणि विकीने घातलेली अंडरवेअर पुन्हा दिसावी, यासाठी ती शक्कल लढवते. विकी योगासनं करण्यासाठी वापरत असलेली मॅट रश्मिका उंचावर ठेवते. ती काढण्यासाठी विकी हात वर करतो, आणि टी-शर्ट वरती झाल्याने रश्मिकाला पुन्हा त्याची अंडरवेअर दिसते. रश्मिनेच ही आयडीया केल्याचं विकीलाही समजतं, आणि दोघांमध्येही केमिस्ट्री फुलते. आता या जाहिरातीवरून नेटकऱ्यांनी दोघांवर टीका केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.