मुंबई : ॲसिड हल्ल्यातून वाचलेल्या आणि नव्याने आयुष्याला सामोरे गेलेल्या युवतीची कहाणी सांगणारा ‘छपाक’ हा चित्रपट प्रदर्शनाच्या मार्गावर आहे. लेखक राकेश भारती यांनी या चित्रपटाच्या विरोधात मुंबई उच्च न्यायालयात दावा दाखल केला आहे.

रंग माझा वेगळा मधील दीपा पहा प्रत्यक्षात कशी दिसते

ॲसिड हल्ल्यात जखमी झालेल्या लक्ष्मी आगरवाल या तरुणीची कथा सांगणाऱ्या ‘छपाक’ चित्रपटाचे दिग्दर्शन मेघना गुलजार यांनी केले आहे. या चित्रपटात दीपिका पादुकोण हिने लक्ष्मी यांची व्यक्तिरेखा साकारली आहे. फॉक्‍स स्टार स्टुडिओची निर्मिती असलेला हा चित्रपट जानेवारीत प्रदर्शित 
होणार आहे. 

पुष्कर जोग सांगतोय, कुटूंबियांच्या सपोर्टमुळेच मिळाले

या चित्रपटाची मूळ संकल्पना आणि कथा आपली असून, त्याबाबत इंडियन मोशन पिक्‍चर्स असोसिएशनकडे (इंपा) नोंदणी केल्याचा दावा राकेश भारती यांनी केला आहे. ‘ब्लॅक डे’ या नावाने फेब्रुवारी २०१५ मध्ये नोंदणी केली होती, असे त्यांनी दाव्यात म्हटले आहे. आवश्‍यकता वाटल्यास ‘छपाक’ चित्रपटाची पटकथा आणि आपण लिहिलेली पटकथा तज्ज्ञांकडून तपासावी, असे याचिकादार राकेश भारती यांनी सुचवले आहे. ॲड्‌. अशोक सरोगी यांच्यामार्फत केलेल्या या याचिकेवर सुटीकालीन न्यायालयात २७ डिसेंबरला सुनावणी होईल. 

हेही वाचा सर्वात मोठ्या सिक्वलमध्ये रणबीर आलियाला रिप्लेस केलं

‘निर्मात्यांकडून दाद नाही’
या पटकथेवर चित्रपट येत आहे असे समजल्यावर फॉक्‍स स्टार स्टुडिओकडे तक्रार केली; मात्र दाद न दिल्यामुळे उच्च न्यायालयात दावा दाखल केला, असे भारती यांनी सांगितले. निर्मात्यांनी श्रेयनामावलीत लेखक म्हणून आपलाही समावेश करावा; अन्यथा ‘छपाक’ च्या प्रदर्शनावर स्थगिती आणावी, अशी मागणी त्यांनी केली आहे.