मारतळा (नांदेड) : लोहा तालुक्यातील हातनी येथील शेतमालक गंगाधर पांडुरंग उबाळे (वय 45) आणि त्यांचा सालगडी केशव ग्‍यानोजी हनवते 18 हे मंगळवारी (ता. 21) सायंकाळी सातच्या सुमारास आपल्या जनावरांना पाणी पाजण्यासाठी गाव शिवारात असलेल्या वीटभट्टीच्या मोठ्या हौदावर गेले होते. पाणी पाजताना त्यांचा तोल जाऊन हौदात पडले व दोघांचाही मृत्यू झाला.

ही घटना रात्री उशिरा उघडकीस आली. उस्माननगर पोलिसांनी व नातेवाईकांनी घटनास्थळी धाव घेऊन हे दोन्ही मृतदेह पाण्याबाहेर काढले. नंतर हातनी येथे या दोघांवरही बुधवारी सकाळी 11 वाजता अंत्यविधी करण्यात आला. या घटनेमुळे सर्वत्र हळहळ व्यक्त होत आहे.