नांदेड : कर्ज मंजुर करून देतो म्हणून एकाला तिन लाखासाठी तब्बल ३२ हजाराने गंडविणाऱ्या उत्तरप्रदेशच्या एका भामट्याविरुध्द शुक्रवारी (ता. तिन) जानेवारी रोजी गुन्हा दाखल करण्यात आला. हा प्रकार ता. १८ डिसेंबर रोजी भोकर येथे घडला. 

भोकर शहरातील तेलीगल्ली येथे राहणाऱ्या आनंद माधवराव कागळे (वय ३१) याच्यासोबत मोबाईलद्वारे गौरव मधुकर शर्मा रा. सेक्टर न. १९, नोयडा (उत्तरप्रदेश) याने ओळख पाडली. या ओळखीतून त्याने आनंद कागळे याला कर्ज मिळवून देण्याचे आमिष दाखविले. माझ्या बँकेमध्ये ओळखी आहेत. अनेकांना मी कर्ज मिळवून दिले. असे सांगून त्याचा आनंदचा विश्‍वास मिळविला. यावरून त्याने भोकर येथील आपल्या खात्यातून गौरव शर्मा यच्या बँक खात्यात तिन लाख रुपयाच्या कर्जासाठी वेगवेगळ्या वेळी ३२ हजार १३६ रुपये भरण्यास भाग पाडले. त्यानंतर कर्ज तर मिळालेच नाही उलट त्याने आपला मोबाईल बंद करून संपर्क तोडला. 

हेही वाचा ---सैन्यभरतीसाठी आलेल्या उमेदवारांसाठी संस्था सरसावल्या

आपली फसवणूक झाल्याचे आनंद कागळे याच्या लक्षात आल्याने त्यांनी आपल्या बँकेत जावून विचारणा केली. तर ज्या खात्यावर त्याने पैसे पाठविले होते ते खाते बंद झाल्याचे बँक अधिकाऱ्यांनी सांगितले. त्यानंतर त्याने भोकर पोलिस ठाणे गाठले. घडलेला प्रकार पोलिसांना सांगुन तक्रार दिली. त्याच्या तक्रारीवरून पोलिसांनी गौरव शर्मा या भामट्याविरुध्द फसवणुक व आयटी ॲक्टनुसार गुन्हा दाखल करण्यात आला आहे. तपास पोलिस निरीक्षक विकास पाटील करीत आहेत. 

येथे क्ली करा---अखेर ‘साध्वी’ला पोलिसांनी शोधले

निर्दयीपणे गायीची हत्या

नांदेड : शेताच्या आखाड्यावर बांधलेली २५ हजार रुपये किंमतीची गाय अज्ञातानी एका झाडाला बांधून तिची निर्दयी हत्या केली. या घटनेमुळे परिसरात संतापाची लाट पसरली असून गुन्हेगारांवर कडक कारवाई करण्याची मागणी होत आहे. ही घटना मरखेल (ता. देगलुर) येथे गुरूवार (ता. दोन) रात्री घडली. 

मरखेल (ता. देगलूर) येथील हुलरेड्डी पुंडारेड्डी अर्धे (वय ६०) यांच्या शेतावर असलेल्या आखाड्यावर जनावरे बांधली होती. परंतु रात्री अज्ञात मारेकऱ्यांनी आखाड्यावर बांधलेली गाय दाव्यासह (दोरी) सोडून काही अंतरावर नेले. तेथे एका लिंबाच्या झाडाला तिला बांधले. मारेकऱ्यांनी एवढेच नाही तर तिचे दोन्ही पाय व डोके एकत्र बांधून तिची निर्दयीपणे हत्या केली. त्यानंतर हे मारेकरी निघून गेले. गाय चोरुन नेण्याऐवजी तिची हत्या का केली याबाबत परिसरात उसटसुलट चर्चा सुरू आहे. ही बाब शुक्रवारी (ता. तिन) सकाळी उघडकीस आली. यानंतर हुल्लरेडी अर्धे यांनी मरखेल पोलिसांना ही माहिती दिली. पोलिसांनी घटनास्थळी जावून पंचनामा केला. हुल्लरेड्डी अर्धे यांच्या फिर्यादीवरुन मरफेल पोलिस ठाण्यात अज्ञात मारेकऱ्यांविरूध्द गुन्हा दाखल करण्यात आला आहे. तपास सहाय्यक फौजदार श्री. कुंभारे करीत आहेत.