जालना: जिल्ह्यात कोरोना संसर्ग रोखण्यासाठी लागू केलेल्या निर्बंधांची पायमल्ली करून दुकाने सुरू ठेवणाऱ्या ४८ व्यापाऱ्यांवर शुक्रवारी (ता.सात) सदर बाजार पोलिस ठाण्यात गुन्हा दाखल केला आहे. त्यामुळे एकच खळबळ उडाली आहे.

कोरोना संसर्ग रोखण्यासाठी जिल्हाधिकारी यांनी लागू केलेल्या लॉकडाउनच्या निर्बंधांची सर्रास पायमल्ली केली जात आहे. मात्र, पोलिस प्रशासन, नगरपालिका यांच्याकडून या व्यापाऱ्यांवर दंडात्मक कारवाई केली जाते. परिणामी या कारवाईसह निर्बंध पालनाकडे अनेकांनी कानाडोळा केला आहे. जिल्हाधिकारी यांचे आदेश लागू असताना अत्यावश्‍यक सेवा वगळता इतर सेवा पुरविणाऱ्या दुकाने सुरू ठेवलेल्या व्यापाऱ्यांसह सकाळी अकरानंतर सुरू ठेवलेल्या अत्यावश्‍यक सेवेची दुकाने उघडे ठेवणाऱ्या व्यापाऱ्यांवर शुक्रवारी (ता.सहा) सदर बाजार पोलिसांनी गुन्हे दाखल केले आहेत.

सदर बाजार पोलिस ठाण्याच्या हद्दीतली तब्बल ४८ दुकान मालकांवर गुन्हे दाखल करण्यात आले आहे. त्यामुळे एकच खळबळ उडाले चित्र शहरात पाहण्यास मिळाले आहे.
दरम्यान ही कारवाई वरिष्ठांच्या मार्गदर्शनाखाली पोलिस निरीक्षक संजय देशमुख, पोलिस उपनिरीक्षक रमेश रूपेकर, गणेश इलवार, नागनाथ भताणे, राजेंद्र वाघ, पोलिस कर्मचारी समाधान तेलंग्रे, परशुराम पवार, कैलास खार्डे, दीपक घुगे, कडुबा सोनुने, फुलचंद गव्हाणे, योगेश पठाडे, रमेश फुसे, सुधीर वाघमारे, इर्शाद पटेल, अशोक जाधव, राजू वाघमारे, महिला कर्मचारी कमल गिरी, सुमित्रा अंभोरे आदींनी केली.