परभणी : परभणी जिल्ह्यात मागील आठवड्यात झालेल्या अवकाळी पावसामुळे जमिनीतील ओलावा वाढल्याने ठप्प पडलेल्या पेरण्या पुन्हा सुरू झाल्या आहेत. संपूर्ण जिल्हयात आतापर्यंत ६२.०५ टक्के पेरणी झाली असल्याची नोंद कृषी विभागाने घेतली आहे. त्यात सर्वाधिक सोनपेठ तालुक्यात ८२.८४ टक्के पेरणी झाली आहे.

परभणी जिल्ह्यात यंदा पावसाने सुरवातीच्या काळात दडी मारल्याने पेरणीची कामे पूर्ण होऊ शकली नव्हती. संपूर्ण जिल्ह्यात दुष्काळाची परिस्थिती आहे. जमिनीतील ओलावा कमी झाल्याने पेरण्या खोळंबल्या. जून ते ऑक्टोबरपर्यंत सरासरीच्या ६५ टक्केच पाऊस झाला. त्यामुळे शेतकऱ्यांसमोर संकट उभे राहिले होते.

ऑक्टोबरच्या शेवटच्या आठवड्यात व डिसेंबरच्या पहिल्या आठवड्यात पडलेल्या अवकाळी पावसाने शेतकऱ्यांसमोर पुन्हा अतिवृष्टीचे संकट उभे केले आहे. जवळपास ३२ महसुल मंडळात अतिवृष्टी झाली. याचा परिणाम म्हणून अनेक शेतातील पिके नष्ट झाली. परंतु या पावसाने जमिनीतील ओलावा वाढला आहे. त्यामुळे जिल्ह्यातील शेतकऱ्यांनी ज्या ठिकाणी पेरण्या राहिल्या आहेत. त्या करून घेण्यास सुरवात केली आहे.

परभणी जिल्हयात रब्बीचे २ लाख ७० हजार ७९४ हेक्टर पेरणी क्षेत्र आहे. त्यापैकी आतापर्यंत १ लाख ६८ हजार ३१ हेक्टरवर पेरणी झाल्याची नोंद कृषी विभागाने घेतली आहे. याची टक्केवारी ६२.०५ टक्के इतकी येते. त्यात रब्बी ज्वारीची १ लाख १३ हजार ८९ पैकी ६५ हजार १७

हेक्टरवर, गव्हाची ३९ हज रा ३०८ पैकी ११ हजार ८२२ हेक्टर, हरभरा १ लाख १२ हजार १७० पैकी ८९ हजार ३२२ हेक्टर, करडईची ३ हजार ३७१ पैकी १ हजार १८ हेक्टर, सूर्यफूलच चे २ हेक्टरवर पेरणी झाली आहे.