नांदेड - पिरबुऱ्हाणनगरातील एक व्यक्ती कोरोनाबाधित आढळल्यानंतर जिल्हा प्रशासन दक्ष झाले असून ‘कंटेंटमेंट झोन’वर विशेष लक्ष देऊन आहे. शुक्रवारी कोरोनाबाधित व्यक्तीच्या संपर्कातील चार व्यक्तींना क्वारंनटाइन करण्यात आले आहे. त्याचबरोबर त्या व्यक्तीच्या परिवारातील आठ जणांचे स्वॅबचे नमुने तपासणीसाठी पाठविण्यात आले आहेत.
पिरबुऱ्हाणनगर येथे कोरोनाबाधित रुग्ण आढळल्यानंतर कंटेंटमेंट झोन जाहीर करण्यात आला आहे. या झोनमध्ये शुक्रवारी (ता. २४) महापालिकेच्या आरोग्य विभागाच्या पथकाद्वारे तीन हजार ८९२ घरांमधील १६ हजार ८५५ व्यक्तींची थर्मल मशीनद्वारे तपासणी करण्यात आली. त्याचबरोबर कोरोनाबाधित व्यक्तीच्या परिवारातील आठ सदस्यांचे स्वॅबचे नमुने तपासणीसाठी पाठविण्यात आले. त्याचबरोबर चार व्यक्तींना एनआरआय यात्री निवास येथे क्वारंनटाइन करण्यात आले आहे.
हेही वाचा - Video - लॉकडाउन : चला रे...उठा जेवण आलं जेवण...
झोनमधील नागरिकांची थर्मल मशीनने तपासणी
नांदेड महापालिका हद्दीत पीरबुऱ्हाणनगर येथे कोरोनाबाधित रुग्ण आढळून आल्यामुळे पीरबुऱ्हाणनगरसह सहयोगनगर, अशोकनगर, भाग्यनगर, वृंदावन कॉलनी, उदयनगर, शास्त्रीनगर, टिळकनगर, विद्युतनगर, अंबेकरनगर, इंदिरानगरसह आजूबाजूचा परिसर हा कंटेंटमेंट झोन म्हणून घोषित करण्यात आला आहे. त्याचबरोबर या झोनमधील नागरिकांची थर्मल मशीनद्वारे ताप, सर्दी, खोकला आदी लक्षणे आहेत का, याची तपासणी सुरू करण्यात आली आहे.
आरोग्य पथकाद्वारे तपासणी
जिल्हाधिकारी डॉ. विपीन, महापालिकेचे आयुक्त डॉ. सुनील लहाने, पोलिस अधीक्षक विजयकुमार मगर, जिल्हा शल्यचिकित्सक डॉ. निळकंठ भोसीकर, महापालिकेचे उपायुक्त अजितपालसिंघ संधू आणि महापालिकेचे वैद्यकीय आरोग्य अधिकारी अजितपालसिंघ संधू यांच्या मार्गदर्शनाखाली वैद्यकीय अधिकारी, वैद्यकीय पर्यवेक्षक, आशा वर्कर, परिचारिका यांनी या झोनमध्ये तपासणी सुरू केली आहे.
हेही वाचलेच पाहिजे - टंचाईची कामे वेळेत पूर्ण करा....कोण म्हणाले ते वाचा
९८ नमुने तपासणी अहवालाची प्रतीक्षा
जिल्हा प्रशासनातर्फे शुक्रवारी (ता. २४) सायंकाळी पाच वाजेपर्यंत कोरोना संसर्गाबाबतची माहिती देण्यात आली आहे.
घरातच राहण्याचे आवाहन
कोरोनापासून बचाव करण्यासाठी नागरिकांनी लॉकडाउनचे पालन करावे. घराच्या बाहेर पडू नये. घरातच रहावे. नागरिकांनी सोशल डिस्टन्सिंगचे पालन करावे. वारंवार हात स्वच्छ धुवावे. अत्यावश्यक कामासाठी बाहेर पडतांना मास्क किंवा स्वच्छ धुतलेल्या रुमालाचा वापर करावा.
- डॉ. सुनिल लहाने, आयुक्त, नांदेड महापालिका.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.