वडीगोद्री : मराठा समाजाला आरक्षण देण्यासाठी शासन टाळाटाळ करत आहे, नेत्यांना गावबंदी आहे मात्र मुख्यमंत्री ,उपमुख्यमंत्री , शासन,आरक्षण बाबत चर्चा करायला तयार असतील तर त्यांना समाज बांधव अडवणार नाही ,या एकदाच काय ती चर्चा करायची ती करू , असे उपोषण कर्त मनोज जरांगे यांनी अंतरवाली सराटी येथे रविवार ता.29 रोजी आयोजित पत्रकार परिषद मध्ये सांगीतले.

अंतरवाली सराटी येथे दुसऱ्या टप्प्यातील आमरण उपोषणाचा रविवार ता.29 रोजी पाचवा दिवस आहे. मनोज जरांगे यांचे पाचव्या दिवशी हि आमरण उपोषण सुरुच आहे. महीला ,ग्रामस्थ यांनी किमाण पाणी घ्या असी जरांगे यांना विनंती केली मात्र पाणी पिण्यासही जरांगे यांनी नकार दिला.

जरांगे यांना भेटण्यासाठी समाज बांधव मोठ्या प्रमाणात अंतरवाली सराटी येथे येत आहे.जरांगे यांची तब्येत खालावली असल्याने त्यांनी पत्रकार परिषद मध्ये जास्त बोलायचे टाळले आहे. राज्यात रविवार पासून आमरण उपोषण करण्यात येत आहे.

महाराष्ट्रात जिथ जिथे साखळी उपोषण चालू आहे तेथे हे उपोषण रविवार पासून आमरण उपोषणात परीर्वतीत झाले आहे. समाज बांधवांनी या उपोषण बाबत संबधित पोलीस स्टेशन मध्ये अर्ज द्या ,आरक्षण घेऊ आंदोलन हे शांततेत करा ,उग्र हिंसक,आंदोलन करू नका, आरक्षण मिळणार आहे एकजुट कायम ठेवा असे जरांगे यांनी जनतेला आवहान केले.रविवार ता.29 पर्यन्त शासनाने कोणताही

संवाद साधला नाही ,आमच्या प्रश्नाचे उत्तर दिले नाही, शासन जर या बाबत चर्चा करायला येत असेल तर त्यांनी यावे, त्यांना मराठा समाज अडवणार नाही चर्चा एकदाच करू असे जरांगे पाटील यांनी सांगीतले.

अंतरवाली सराटी येथे सोमवार ता.30 पासुन गावात उपोषण करणार असल्याचे येथील महीला ,पुरुष नागरीकांनी माध्यमांशी बोलताना सांगीतले.उपोषणाच्या पाचव्या दिवशी मनोज जरांगे यांनी वैघकिय उपचार घेतले नाही प्राथमिक आरोग्य केंद्र वडीगोद्री येथील वैघकिय अधिकारी डॉक्टर प्रज्ञा अक्करबोटे व सहकारी डॉक्टर, कर्मचारी यांना वापस जावे लागले.

अंतरवाली सराटी येथे उपोषण स्थळी मनोज

जरांगे यांनी उपोषणाच्या पाचव्या दिवशी रविवार ता.29 रोजी वैघकिय तपासणी करण्यासाठी आमचे पथक आले होते. मात्र मनोज जरांगे यांनी वैघकिय तपासणी, उपचार घेण्यासाठी नकार दिल्याने वैघकिय पथक वडीगोद्री येथे वापस आले.

- डॉक्टर प्रज्ञा अक्करबोटे वैघकिय अधिकारी प्राथमिक आरोग्य केंद्र