आष्टी : कृषी शिक्षणामध्ये पदव्युत्तर पदवीसाठी महाराष्ट्र कृषी परिषद पुणे यांच्या वतीने घेण्यात आलेल्या प्रवेश चाचणी परीक्षेचा (सीईटी) निकाल ता. १५ रोजी जाहीर करण्यात आला.

या परीक्षेत मराठवाडा कृषी विद्यापीठ परभणीशी संलग्न येथील आनंद चॅरिटेबल संस्थेच्या छत्रपती शाहू-फुले-आंबेडकर कृषी महाविद्यालयाचा विद्यार्थी अभिषेक संजय घोडके याने ८६.५० टक्के गुण मिळवत राज्यातून प्रथम क्रमांक पटकावला आहे. संस्थेचे संस्थापक अध्यक्ष माजी आमदार भीमराव धोंडे यांच्याहस्ते त्याचा सत्कार करण्यात आला. यावेळी संचालक अजय धोंडे, अभयराजे धोंडे, शंकर देशमुख, डॉ. डी.बी राऊत, प्रा.शिवदास विधाते, दत्ता गिलचे, माऊली बोडखे, संजय शेंडे, प्राचार्य डॉ.श्रीराम आरसुळ आदी उपस्थित होते.