परतूर : लग्न करण्याचे आमिष दाखवून रेणापूर येथील युवतीवर वर्ष २०१८ पासून युवकाने सातत्याने अत्याचार केला. याप्रकरणी परतूर पोलिस ठाण्यात गुन्हा दाखल करण्यात आला आहे.
लातूर जिल्ह्यातील रेणापूर येथील एका नर्सिंग महाविद्यालयात शिक्षण घेणाऱ्या एका युवतीसोबत (वय २०) संशयित अनिल रामराव धुमाळ याने मोबाइल फोनवर ओळख वाढविली. त्यानंतर लग्नाचे आमिष दाखवून वेळोवेळी या युवतीवर लैंगिक अत्याचार केला. त्यानंतर युवतीने लग्नाचा तगादा लावल्यावर हा प्रकार कुणाला सांगितला तर फोटो सोशल मिडियावर व्हायरल करेल, तुझ्या नातेवाइकांना दाखवील, अशी धमकी अनिल याने दिली, तसेच जातिवाचक शिविगाळही केली. त्यामुळे याबाबत परतूर पोलिस ठाण्यात बुधवारी (ता.१५) दुपारी चार वाजता गुन्हा दाखल झाला.
त्यानंतर उपविभागीय पोलिस अधिकारी राजू मोरे व पोलिस निरीक्षक शामसुंदर कौठाळे यांनी तपासाचे सूत्र हलविली, तसेच अवघ्या दोन तासामध्ये तालुक्यातील शेवगा येथून अनिल धुमाळ यास ताब्यात घेतले. ही कारवाई पोलिस उपनिरीक्षक विजय गट्टूवार, सुनील होडे, इस्माईल शेख,संजय वैद्य आदींनी केली. पुढील तपास राजू मोरे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.