जालन्यात तीन युवकांचा जाळून घेण्याचा प्रयत्न केल्याचा धक्कादायक प्रकार समोर आला आहे. आंगावर ज्वलनशील पदार्थ टाकून त्यांनी पेटवून घेण्याचा प्रयत्न केला. रमाई अवास योजनेत घरकुल न मिळाल्याने तीन युवकांचां अंगावर ज्वलनशील पदार्थ घेऊन जाळून घेण्याचा प्रयत्न केला. जालन्यातील जिल्हा परिषदेच्या कार्यालयासमोर ही घटना घडली आहे.

मिळालेल्या माहितीनुसार, तीन तरुणांनी हातात आणलेल्या डिझेलच्या बाटल्या डोक्यावर ओतल्या, दरम्यान आजूबाजूच्या काही नागरिकांनी या बाटल्या हिसकावून बाजूला केल्या. त्यामुळे सुदैवाने कोणतीही जीवीतहानी झाली नाही.

जालना जिल्ह्यातील अंबड तालुक्यातील साष्ट पिंपळगाव या गावातील गावात 32 जणांना घरकुल योजनेचा लाभ मिळाला आहे. मात्र या तीन जणांना या योजनेत घरकुल मिळाले नसून यामध्ये भ्रष्टाचार झाल्याचा आरोप या तरुणांनी केला आहे. त्यातूनच त्यांनी जाळून घेण्याचा प्रयत्न केला आहे.