औरंगाबाद : औरंगाबादेतील जिन्सी पोलिस ठाण्यासमोरील मोकळ्या मैदानात उभ्या चारचाकी वाहनांना अचानक आग लागली. यात वाहनाचे मोठे नुकसान झाले. हि घटना मंगळवारी ता, 14 पहाटे दोनच्या सुमारास घडली. 

अग्निशामक प्रमुख संपत भगत यांनी माहिती दिली की, जिन्सी भागात पोलिस ठाण्यासमोर मोकळ्या मैदानात वाहने उभी केली जातात. तेथेच कचरा  आणि घाण साचलेली असते त्यामुळे आग लागली असावी. आगीत चारचाकी चार वाहने पेटल्यानंतर भगत व त्याचे पथक जिन्सी भागात पोचले व त्यानी अर्धातासात आग आटोक्यात आणली. आगीचे कारण स्पष्ट नसून या घटनेची नोंद जिन्सी पोलीस ठाण्यात झाली.